منتديات أنا الأردن

فكح
ومعناه مزط او هرب.
تلولحي يا دالية
تقال للشخص النحيف جدا وبترخرخ لدرجة الهبل
حيد عن الراس وإذرب
بلهجة اهل اربد وتقال في الطوش او الخناقات انه يعني ما تعمل عمل كبير تندم عليه
ولكان حاول توجع بشكل غير مباشر
يعني لا تضرب واحد على راسه تنبلي فيه
إحفظ هالّلطش
يقولها من أدى خدمة لحدا ومحملوا جميلة عليها
طقع - بكسر القاف
يقال انها كلمة دخيلة وأصبحت متداولة ومنشؤها الزرقا(مجمع الباصات ) وبالأخص من شوفيرية السرافيس الكوستر وتعني اشي روعة ومنيح جثير
فايـع/ فايـعة
وتقال للبنت والولد اللي ماشيين عل الموظة أو على حل شعرهم أو شايفين حالهم - للتوضيح يعني من مناطق عمان الغربية وبالأخص عبدون وأخواتها
هاك
يعني خذ او القف.. بس من غير نفس
بتتخوث يا ملوّث
تقال لمن يحاول أن يخفف دمه وبتهبّل وهو فيش أزنخ من دمّو
يلعن روما
مسبة قاسية جدا تقال عند الغضب بدل من سب الدين
مشرّت - بكسر الرا وفتح الشين
تقال عادة للظاربة فيوزاته او ولا حبة
الطنجير
يقال انها من اصل طنجرة وتقال للشخص اللي مثل اللوح ومش عارف وين الله حاطّه
الشنتير
تقال للشخص اللي حجمه كبير وعالفاظي
فستق فاظي
تقال للشخص اللي بحكي كتير وما بعمل اشي
سحنة
معناها ملامح وجه الواحد .. ويا محلا هالسحن
سنحك
معذرة ... ما زال البحث جاري عن معناها
كزدر
وتستعمل في المناطق الأقل حظا
منغنغ- الله يطعمنا / مقرش بكسر الميم
معناها معاه فلوس كثيرة وجيبته مليانة مصاري

وبس


أي يلعن عمري ما أحلى الحكي الأردني

مشكور.................

يسلمو احلى شي
سنحك
معذرة ... ما زال البحث جاري عن معناها
بش تلقاه اكتبه النا
هههههههههههه

في كتير كلمات ما سمعتها من قبل
بس على كل حال كلمات (( طقع ))
بكفي انها اردنيه .

مشكورين كلكو ع ردودكو الحلوة
وبحكيلك يا بنت اربد من عيوني بس الاقيها انتي اول وحدة راح تعرفيها

لقيتلك معنى سنحك يا بنوتة :


^
^
^
^

أظن أن (سنحك) أو (سانحك) التي يستخدمها الأردنيون وخاصة أهل الشمال تعني (بعدا لك) أو (سحقا لك) أو (تبّاً لك)، وأعتقد أن أصلها عربي فصيح من (سنح) أو (سانح) وهو الطير أو الحيوان حين يأتي من يمين فيتيمن و يتفائل به، أو يأتي من يسار فيتطير ويتشائم به ويسمى (بارح) ـاً.

وكان بعض العرب يتطيرون أحيانا من (السانح)، ويبدو أن المعنى المستخدم عند الأردنيين جاء من هنا.

والله أعلم،

ههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههههههههه

والله ما في احلى من الحكي الاردني................................



يسلمواا موضوع رائع......

هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههه


الموضوع رووووووووووووووعه يسلمووووو

اكيد دندون ليش هو في بعد الاردن واهلها
مشكوووووووووووووووووووورين ع المورو العطر