الاردنية لما تعصب !!

[Khaled Qudah]

اذا وقع زوجها عن الدرج

شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)

اذا الزوج بدو يسافر

أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )





إذا الزوج تأخر بره فى شغل او مع صديق

شرفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت شاطرين بس تيجوا تاكلوا وتشربوا وابصر شو انا رايحة انام في الغرفة التانية ها وتحكيش معي فاهم روح عند اصحابك الهمل روح ! ( لا تعليق)


إذا طلبت شى منه

إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال يلعن غزة ! )

إذا جابلها هدية

والله غاب وجاب، وياما جاب الغراب لإمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله أرمي حالي من الشباك أنا يالله ! )

اذا بدك شي منها




مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى
من شغل البيت اففففف اففففف


لو طلبت منها فنجان قهوة

بدك قهوة ؟ هي اخوانك مرميين فى الحكورة تبعت الدار روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة


اذا حكالها (بدك شي؟) وهو طالع

لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي وشوية مكسرات اتسلى فيهم من ابو سكندر هادا بقولوا البزر تبعوا زاكي ابعتهم مع إبنهم محمد وبالمرة ابعت معاه بيبسى خليني اشرب وابل ريقي ( كل هادا ولاء كيف لو كان بدها !)

الذوق والتنويع فى الاكل

لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو كبسة ( أكلتي المفضلة للعلم بس لول) وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك نتسمم !
طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب السباك يصلحها بس تخلص أكل، إبنك بدو يشتري كندره والبنت بدها تشتري بلوزة !
وأهم إشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق

[Asseel]

بس الأردنية مو هيك

[بنت الأردن]

والله هذا تجني ...
المرأة الاردنية غير هيك تماماً ... بس يمكن التعبير يخونها أحياناَ
لا لا لا أنا زعلت منك ياخالد ...
بس ضحكتني من قلبي

[Red-rose]

الله يسامحك يا خالد
بس حلوه

[كايدالركيبات]

بسم الله الرحمن الرحيم
انا اختلف معك في وجهت النظر فنحن دائماً نطالب نسائنا ( واعني امهاتنا واخواتنا وزوجاتنا وبناتنا )ان يفهمننا ولا نحاول نحن ان نفهمهن ففي مثل الحالات التي ذكرت والتي اعتقد انها تصور عام وليست مشاهد واقعيه بحته حسب وجهت نظري .
فانا اعتقد ان الحل يكمن في قدرتنا نحن في التعامل مع نسائنا وفهمهن وكسب ودهن فما المشكله لو دخل الواحد منا بيته منشرح الصدر سعيد ويضفي جو من السعاده على اهل بيته ويمازحهم بما يحبون ويقدر لهم عملهم ولا يكون تعامله معهم تعامل ضابط مع جنود فقط اصدار الاوامر .
وبعد الفهم وحسن المعامله لهن يحاول كسب قلوبهن فما تحتاج نسائنا للرضى باحوالنا والصبر عليها لقرارات سياسيه او نصاب مكتمل لعقد لقائات فكل ماهنالك هديه صغيره لايهم ابداً قيمتها الماديه ( من منطلق تهادوا تحابوا ) او حتى ابسط من ذلك الجلوس معهن والحديث معهن بما يحبن .
وكما قال الشيخ عمر عبدالكافي حين سئل عن قضية المرءه فقال ظلمن لما عاملناهن بالعادات والتقاليد وظلمن مره اخرى لما طلبنا منها تقليد اختها الغربيه والعدل ان نعاملها بشرع الله فما اكرمهن الا كريم .
والله الموفق

[ابو مهيمن]

اي صدقني يازلمه ما فيش احسن من الاردنيه ,ومليح الي متحملاتنا , سواء ام او اخت او زوجه . لانه كل واحد منا مفكر حاله ابو زيد لا بعده ولا قبله.

شكرا لهذه النكته

[االجدة]

ههههههه يالله مهو هالخد متعود عاللطم....
اولادي كايد و ابو مهيمن الله ينور دربكو دايماً...
خالد بس اشووووووووووووووفك ؟!

[Khaled Qudah]

لا اكيد الحكي ما بنطبق عالاردنية. مشكورين عالمرور

[عابرة سبيل]

انا زعلانه

[Khaled Qudah]