مبروك للأردنيين..فرجت ؟؟

آراء ومقالات لكتّاب أردنيين

المشرف: Princess

قوانين المنتدى
• يمنع وضع اي مواد محمية بحقوق نشر دون موافقه مسبقه من صاحبها
قوانين المنتديات العامة
أضف رد جديد
Red-rose
صديق المنتدى
صديق المنتدى
مشاركات: 58273
اشترك في: الأحد سبتمبر 28, 2008 1:33

مبروك للأردنيين..فرجت ؟؟

مشاركة بواسطة Red-rose » الثلاثاء فبراير 23, 2021 8:26

صورة
بقلم.. ايمان عكور

مبروك للأردنيين..فرجت ؟؟
واخيرا قالها..
وبعد طول انتظار..وبعد مخاض عسير لسنوات طويلة.. وحكومة رايحة وحكومة جاية.. وبعد تفكير عميق ودراسات مستفيضة صاحت الحكومة الاردنية:
وجدتها..؟؟؟؟
اكيد متشوقين تعرفوا شو وجدت..
الحكومة الله يخليلنا اياها وجدت حل للعجز المبكي في الميزانية واللي صرح فيه وزير المالية..والدموع محبوسه في عيونه..
شو قال..
للأسف( هاي من عندي هو ما تأسف بس كان مقهور داخليا"،
العسعس قال : " خفض عجز الموازنة بشكل آني يتطلب تضحيات مثل رفع الضرائب او التخلي عن الالتزامات او الاستغناء عن الموظفين او تخفيض رواتبهم..؟"
ارجعوا اقرأوا الحلول..
تضحيات..اضحيات.. تنازلات..التزامات..استغناءات..استغباءات
لكن مين فكركم الضحية..
ما بدها شطارة..احنا المواطن اللي ملعون حاله..ومش عارف من وين والا وين يرقعها..
طيب يا حضرة الوزير ، وخذني على قد عقلي لاني ما بفهم بالاقتصاد ولا بدي..
مش "الاستغناء عن الموظفين او تخفيض رواتبهم"
معناه زيادة نسبة البطالة وبالتالي زيادة نسبة الاعالة والمستحقين للمعونة والضغط على صناديق الدولة بما فيها صندوق المعونة الوطنية وغيرها واللي اصلا عندها عجز..اشرحلي كيف هاي الاجراءات راح تخفض العجز ..اللي بنعرفه انه هيك موضوع بده سياسات اقتصادية تعزز الانتاجية وتعزز من قدرة الفرد على الانتاج والعمل وفتح مجالات الاستثمار وغيرها..؟
مزبوط والا انا كمان مش فاهمة زيكم..؟
احنا والله قلوبنا معكم.. جد متحملين كثير وما بتناموا وانتوا بتفكروا كيف تسرقوا البلد..قصدي تساعدوا البلد.. بس تفكيركم كالعادة زي صاحب دكانة عليه ديون ومش عارف كيف يلمها..قال خلص بسرق دكان جاري..ونعم الرؤية الاقتصادية...مبروك عليكم الموازنة الانكماشية اللي رح تزيد الطين بلة ..وانتوا ولا على بالكم..
سؤالي لمعالي الحكومة..
جيوبكم انتو وكبار المسؤولين والنواب وغيره..داخله بهاي التضحية..
والا هي بس جيب المواطن التلفان علشان تسمن جيوبكم...؟؟
يا معالي الوزير..
باختصار..جيوب المواطن اهترت من كثر التشليح الحكومي..
ارحموه اخر ايامه..قدمولكم انتو شوية تضحيات..تنازلوا عن بروجكم العاجية وانزلوا عالاقل عالارض.. او تحت الأرض لانه بعد هيك تفكير..ما راح يضل انسان اردني عايش فوق الأرض..
اما ميت بأمر من رب العالمين...وأما ميت بأمر من حكومتكم وقراراتها الساذجة..
يلا ميتين ميتين..
شو الجديد..
يا دوب تلحق يا مواطن ترقع جيوبك..الحكومة ما عندها وقت راح تنهشك..علشان تحل عجزها..
شكرا يا حكومة..
ما قصرتي..؟
وبالمناسبة السعيدة بهدي معاليه اغنية
(واخيرا قالها..)
Comments

المهندس اللطيف
عضو فعال
عضو فعال
مشاركات: 186
اشترك في: الخميس نوفمبر 26, 2015 2:41

مبروك للأردنيين..فرجت ؟؟

مشاركة بواسطة المهندس اللطيف » الثلاثاء فبراير 23, 2021 10:53

رووووووحت

أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائران