سؤال بخصوص "البزنس"

[ذيب الكرك]

خلص بس تيجي على الاردن بنرتب الها
ههههههههههههههههههه
بس شو البضاعة اللي حاب تعرضها
هي خيارات
1)ملابس
2)خلويات
3)كتب
4)مجلات
5)مجلات للأطفال
6)مأكولات(ترمس,فول,حمص,....................)
7)اكسسوارات
8)عطووور مضروبة
9)....................
وهناك المزيييد
ههههههههههههههههههههههههههه

[عاشق بلادي]

عطور مضوربة احسن شي
هلأ كل الناس بشتروا عطور
وبدهم اي شي بس المهم اسمه عطر
ههههههه
وبس اصلك بنتفاهم

[ذيب الكرك]

خلص انتا تعال وما عليييك بعديين هاي الشغلة الوحيدة اللي راس مالها قليل وربحها كثيير وانتا وشطارتك وكل ما عليت صوتك وانتا بتنادي عطوووور عطوووووور قرب وجرب العلبة بدينارين(طبعا انتا ما خذها بربع دينار )
كا ما قربوا الناس حواليك واشتروا أكثر

[COOL IRIS]

احب اقدملك نصيحتي وان شاء الله تستفيد
الشغل شي حلو جدا ومش عيب
وكونك توجيهي المفروض ان تكمل وتنجح لان الشهادة مهمة جدا
وهالايام اللي ما معو شهادة الثانوية مابيشتغل
ممكن بالعطلة تشوف شي شغلة عند محل كويس او لو عندك مهارات ممكن تنميها في مجال معين
ولو كنت رح تدرس في الجامعة ممكن برضو تدرس وتشتغل في نفس الوقت
مو غلط
وبتستفيد كتير وبيصير معاك خبرة خصوصا لو كان الشغل وضعه ممتاز
من ناحية المادة والمضمون
مابعرف شي عن افكرك او المجال يللي حابب تشتغل فيه
بس بتمنالك التوفيق
تقبل مروري
وتحياتي لك

[عاشق بلادي]

الله يسامحكي انا ما بدور ورا شهادة التوجيهي انا بدي دكتوراه
بس انا بدي شغله اتسلى فيها
يعني شي يفيديني وينمي مهاراتي
وشي افجر فيه طاقاتي ...
اتمنى تكوني فهمتي علي
وانت يا يزن
انا بنادي عطور وانت شو بتعمل ؟؟
لازم يكون الك شغله معي

[ذيب الكرك]

أبشر انا بلم الغلة وبفرد العطور على الأرض واذا اجت الأمانة بنهرب

[COOL IRIS]

انا حبيت افيدك بس لان حسيت ان انت بسن التوجيهي
بتمنى تقبل مروري واذا مااستفددت
ممكن حد تاني يفيدك
انا حكيت يللي بعرفو

[عاشق بلادي]

حياكي الله
والله على راسي اندريم

[sweetaa zakyaa]

انا عندي فكرة بدها تفرغ و وجع راس بس حلوة كتيييييييييير و الربح مضمون و بتسلي خصوصا للي بحبو يقعدو عاللاب كتير ...

ويب سايت اعلاني

اول شي الويب سايت هاد بيشبه المجلات الاعلانية الصغيرة متل الوسيط و هيك المهم .. و ممكن تكون لشركات الكمبيوتر و الاجهزة بشكل عام .. مفيدة و كتير راس مالها قليل جدا (اقل من العطور ام دينارين)خخخ المهم ... بدها تصميم الويب سايت و انا متاكدة انو عندك خلفية بهالموصوع و ازا كنت بروفيشينال بكون احسن و بعدين الدومين (مو مكلف ترى ابدا) و الحملة الاعلانية (بدك تتعبلك شوي ) و لاجتذاب المعلنين بتعمل 6 شهور مجانا علشان لازم الويب سايت ينشهر شوي بعدين بنبلش بالجد ... بس بدو مجهود كبير لازم تتواصل مع الشركات و المحلات عن طريق المقابلة الشخصية او التليفون او الميل ...

و في مشاريع كبيرة شبيهة في مشروعك و اللي جاي على بالي هلق موقع مكتوب

بعرف انو هالمشروع صعب يتنفذ لانو بدو تفرغ و تعب و وقت ... بس حبيت اقترح

[عاشق بلادي]

يسلموو سويته
فكرة كثير حلوة ولكن للاسف انا مو "بروفشينال" في تصميم المواقع

بس هي فكرة اكثر من رائعه وصاحبي بشتغلها وبتجيبله في الشهر حوالي 1000 ريال قطري

وما بدها تعب كثير بس اولها بده شوي
وشكرا على المرور العطر