كلام طلاب التوجيهي(قصيدة قلق)

[نشميه اردنية]

بسم الله الرحمن الرحيم



أنا مش بس طالب توجيهي .. .أنا التوجيهي طالبني كمان


الكل بيقلي خليك بدراستك ....فش زي الشهادة بهالزمان


انسى الطشات والسهرات.. .كأنك سجين والكتاب هو السجان


لا تشوف قرايب ولا صحاب ... لا تروح عالمطعم ولا عالدكان


اتغدى قوانين واتعشى معادلات... واشرب كاس من مرارة الامتحان


لا تلفزيون ولا كمبيوتر ... ولا حتى تلعب مع واحد حيوان


وقت الجد جد ومافي مزح ...انت مش عايش بعصر الرومان


امشي مع شباب درّيسة ... وسيبك من شلة الزعران


روّح على الدار طوّالي ... وفكك من معاكسة النسوان


هو صحيح الشغلة بتسلي ... بتشفي العليل وبتفرح الزعلان


بس التوجيهي تحدي ... ما بفوز فيه الزكي الفهمان


بكرة بتقول يا ريتني درست ... يا ريتني سمعتك وما كان اللي كان


أبوك بيقولك : يابا ياحبيبي ...ازا بتنجح بسفّرك ع الصين وعاليابان


حتى الروحة على الحمام ... قبلها استدعى وبعدها اصدار بيان


نام متأخر واصحى مبكر.. .وجهك غسل واحلق بمعجون سنان


كامل فاضل ادرس ناضل ...قلمك حامل في وجه العدوان


ثابر تابع دراستك راجع ... لربك راكع انت وحدك كسبان


داوم واجه المشاكل قاوم ...كون عالم بعمرك ما بتنهان


ازا نجحت بتنفع حالك .... وازا بترسب مابينفعك انسان


وبجيبلك سياره اخر موديل ... فراري ,(( بي ام )), او حتى نيسان


وازا بتحب بجوزك أحلى بنت...حتى لو كانت بنت كوفي عنان


انت بس انجح وارفع راسي... ولا تفضحني بين الأهل والأخوان


ركّز بالحصة مع استازك ... تقضّيهاش لعب وسرحان


يا طلاب التوجيهي الأعزّاء .. .احلفكم بالله وبالأنبياءوبالقرآن


فش أحلى من النجاح ... حتى لو بيقلّعلك عين أو بيطيّرلك دان


لا ترسب وتعيد السنة ... تخلّيش واحد يكون فيك شمتان


بلاش تكون آخرتك بويجي ... أو صاحب بسطة أو بيّاع دخّان

[Red-rose]

مشكوره نشميه

امنياتي لجميع الطلبه بالنجاح والتوفيق

[نشميه اردنية]

منورة رد روز يارب ننجح كلنا ادعولنا والله بدنا دعائكم

[سلطي حر]

ههههههههههههههههههههههههههههههههههههه
حلوة
_______________________________________

بالتوفيق لكل طلبة التوجيهي

[اردني مفرقاوي]

ههههههههههههههههههه

مشكوره ميار و فالك النجاح يارب

[نشميه اردنية]

ههههههههههههههههههه

مشكوره ميار و فالك النجاح يارب

مرسي سلطي وثانكس خاص لحمودة

[sweety.girl]

حلوه كتير وادعلونا بالتوفيق والله ينجح كل طلاب التوجيهي

[نشميه اردنية]

حلوه كتير وادعلونا بالتوفيق والله ينجح كل طلاب التوجيهي

مرسي عالرد والله انجحني وينجحك وجميع طلاب التوجيهي

[22 suzan]

ههههههههههههههههههههه....

الله يوفق جميع طلاب التوجيهي والله لا يضيعلهم تعب ......

يسلموا ايديكي قصيدة حلوة زكرتيني بايام التوجيهي ........

شكرا الك مرة تانية ...

[نشميه اردنية]

ههههههههههههههههههههه....

الله يوفق جميع طلاب التوجيهي والله لا يضيعلهم تعب ......

يسلموا ايديكي قصيدة حلوة زكرتيني بايام التوجيهي ........

شكرا الك مرة تانية ...

شكرا على ردك