طريقة عمل غسول بشرة مناسب لجميع انواع البشرات من خبيرة وصفات عراقية

لكل افراد الأسرة

المشرف: Red-rose

أضف رد جديد
ملاك عراقية
عضو فعال
عضو فعال
مشاركات: 111
اشترك في: الاثنين نوفمبر 19, 2018 12:52

طريقة عمل غسول بشرة مناسب لجميع انواع البشرات من خبيرة وصفات عراقية

مشاركة بواسطة ملاك عراقية » الجمعة مايو 17, 2019 12:25

السلام عليكم

كيفكم يارب تكونوا بالف صحة وعافية انا متل ماقلت لكم راح اكتب كل شي حفظته عندي من وصفات
من الخبيرة او الدكتور او اي وصفة تكون مجربة ومضمونة باذن الله وانا لا اكتب اي وصفة هون الا لازم تكون مجربة
وكل مكوناتها طبيعية وامنة على البشرة لاني احبكم في الله واتمنى تدعولي بعد ماجربوا وصفاتي اللي بنقلها لكم
لاني بجد محتاجة للدعاء كتير المهم ياحبايبي انا اليوم جبت لكم طريقة عمل غسول بشرة الوجه مناسب لجميع
انواع البشرات ومافي اي ضرر لانه طبيعي وامن على البشرة بعكس الغسولات الجاهزة اللي كل مكوناته كميائية
تضر بشرتنا وانا اشتريت غسول جاهز من الصيدلية وكان سعره 20 دولار امريكي قبل لا اعمل هاد الغسول
اللي اتعلمته من الخبيرة العراقية وانا اقسم لكم اني تركت الغسول اللي اشتريته وما احب استعمله
لاني بجد شفت فرق بينهم والله الغسول الطبيعي افضل عندي من الجاهز
لان بشرتي كانت تعاني من جفاف بسبب المرض اللي عندي وبعدها اخي اشترى لي الغسول الجاهز وكان اسمه
غسول وجه سيتافيل لا اعرف كيف انزل صورة لكن هو لونه ابيض ومكتوب عليه بالازرق هيك المهم
جربته وهو كان جيد وطرى بشرتي لكني خفت منه لانه مهما يكون فيه مواد كميائية وانا بخاف منها
لاني باخذ دواء لمرضي المهم مراح اطول عليكم الخبيرة قالتلي استعملي كل شي طبيعي وخليك مع اي شي طبيعي
مراح تندمي ابد وبجد سمعت كلامها وهي اعطتني الغسول الطبيعي اللي راح اكتب مكوناته الكم بالمنتدى

المكونات

صابونة دوف او ممكن اي نوع صابونة تناسب بشرتك وترتاحي عليها
حليب جوز الهند اذا متوفر عندك واذا مكان متوفر ممكن تجيبي مبشور جوز الهند وهاد يتباع بالمحلات جاهز
جيبي منه لكن جيبي جديد يعني قولي لصاحب المحل بدي جديد مش قديم
حطي كمية من المبشور وضيفي عليه شوي مي دافي واتركيه لليوم التالي وبعدها صفي المي الابيض
وخذيه وهيك صار عندك حليب جوز الهند المهم
زيت الزيتون او اي زيت عندك بدل من زيت الزيتون

طريقة العمل
ابرشي نصف من صابونة اللي مرتاحة عليها انا برشت نصف صابونة دوف لاني بحبها كتير
وبعدها حطي كوب ماؤ ورد على الصابونة المبروشة وحطي الخليط على النار الهادئة وحريكي الصابون مع ماء الورد لحد مايذوب الصابون مع ماء الورد جيدا بعدها طفي النار وصبي الخليط ليبرد لوحده بعدها ضعي عليهم
نصف كوب من حليب جوز الهند الجاهز او اللي عملتيه فوق الخليط
وبعدها قومي بخلطهم كويس جدا جدا حتى يكون عندك متجانس جدا
حتى يتخفف عندك الغسول ويكون قوامه متل الغسول خفيف هيك اوكي
بعدها حطي قليل من الزيت حسب بشرتك لو بشرتك جافة زيدي من كمية الزيت وطبعا كمية الزيت حسب رغبتك
وبحسب بشرتك وقومي بخلط جميع المكونات وحطيهم بعلبة فارغة عندك وهيك صار عندك احلى غسول للوجه
احلى من اي غسول طبي كمان وممكن تستخدميه اي وقت عادي

وعلى فكرة احتفظي بالغسول بالتلاجة لان مكوناته فيها مكونات طبيعية ومدة صلاحيته شهر كامل باذن الله
وانا متل ماوعتكم اني راح اكتب كل شي حفظته عندي راح اكتبه هون بالمنتدى الكم لوجه الله
لاني مريضة والله اعلم يمكن اليوم اقدر اكتب بكرة ماعرف يمكن مراح اقدر اكتب واللي يقدره الله يكون
وانا حامدة ربي على كل شي وانا اجاهد بنقل كل شي حفظته اكتبه الكم لوجه الله لاني اريد المساعدة
وكتير بنات تحتاج هيك شغلات وانا اكتبها لوجه الله لهن

مع الف سلامة




أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 20 زائراً