طريقة عمل تونر طبيعي لنضارة البشرة من خبيرة الوصفات العراقية

[ملاك عراقية]

السلام عليكم

كيفكم ربي تكونوا باحسن حال متل ماوعدتكم اني اكتب كل شي حفظته عندي من وصفات وخلطات
من الخبيرة العراقية اللي بعرفها وكمان دكتور الاعشاب او الوصفات العراقية القديمة جدا اللي كانوا جداتنا
يعملوها وكلها طبيعية امنة على البشرة او الشعر لانها مجربة وفعالة لذلك انا احفظها عندي بالكراسة
وبما اني احبكم في الله كتير كتير بنزل الوصفات اللي حفظتها بكراستي وبكتبها هون مشان تستفادوا منها
يعني انتوا اعملوا اي وصفة بتلاقوها مكتوبة هون بالمنتدى بدون خوف لانها مجربة وامنة وفعالة جدا جدا
لاننا جربناها وقصدي انا وبنات قريباتي لذلك اقولكم جربوها ومراح تندموا ابد ابد وراح تلاحضوا فرق كبير باذن الله
وانا بنزل جميع الوصفات لوجه الله مشان لاتنسوني بالدعاء وبعد متلاحضون الفرق وجمال بشرتكم بعد تجربتها المهم
نرجع للوصفة اللي راح اكتبها هلا وهي عبارة عن طريقة عمل تونر من مواد طبيعية تعالج التجاعيد وتساعد على التفتيح
وكمان تعتبر كترطيب بعد غسل الوجه واغلاق المسام الواسعة والوصفة هذه هي من وصفات الخبيرة العراقية قريبتنا
يلة نبلش بطريقة عمل التونر الطبيعي


المكونات

1_ وردة جورية ومياه نقية لعمل ماء ورد طبيعي واذا ماعندك ورد ممكن بدلا منه ماء ورد طبيعي جاهز اي نوع عندك
2_ زيت البندق او زيت اللوز الحلو او زيت جنين القمح او زيت الزيتون او اي نوع زيت متوفر عندك غني بفيتامين e
3_ علبة فاضية لحفظ التونر او ممكن بخاخة

طريقة العمل

احضري الوردة الجورية وقطعيها وحطيها في قدر صغير وحطي عليها كوب متوسط الحجم ماء من المياه
وحطيهم على نار هادئة مع غلق فتحت القدر لمنع تسرب البخار خارجا
بعد هيك اتركي الخليط والمقصود الوردة مع الماء داخل القدر على نار هادئة لمدة ربع ساعة بعدها اطفئي النار
واتركي الخليط ليبرد لوحده تماما بعد هيك قومي بتصفية الماء من الوردة وخذي ماء الورد وضعيه في علبة فارغة لديك
او البخاخة وبعد هيك احضري الزيت اللي عندك ويفضل زيت البندق او اللوز الحلو لانهم غنيين جدا جدا بفيتامين e
وقومي بوضع ملعقة طعام من الزيت داخل العلبة اللي فيها ماء الورد الطبيعي اللي عملتيه
وبعد هيك قومي برج العلبة ليتجانس الزيت مع ماء الورد وهيك صار عندك تونر طبيعي رائج جدا جدا
جاهز للاستعمال بكل صباح بغد غسل الوجه بالماء والصابون او الغسول اما كيف تحتفظين بالتونر الطبيعي
طبعا راح يكون بالتلاجة لانه طبيعي مئة بالمئة ومدة صلاحيته هي تلات اسابيع فقط
وعلى فكرة لو مش عندك وردة لعمل ماء ورد طبيعي وعندك ماء ورد جاهز لكنه خالي من الكحول يعني منتج طبيعي
ممكن تعملين منه تونر يعني راح تاخذي منه نصف كوب من ماء الورد الجاهز وتحطيهم في العلبة او البخاخة
وبعدها تضيفين عليهم ملعقة الزيت وترجين العلبة ليتجانسوا وبس خلاص
وتستعمليهم كاي تونر جاهز وهذه الطريقة رائعة جدا وطبيعية جدا وراح تشوفي الفرق بنفسك لان اغلب التونر الجاهز
صار يدخل فيه مواد كميائية يعني مش طبيعي مية في المية لهذا يفضل عمل تونر طبيعي حتى يحافظ على البشرة
خليك مع كل شي طبيعي تكسبي وهيك انا خلصت الموضوع جربيه ومراح تندمي ابد

سلام