طريقة عمل جل ايلاينر وروج من مواد طبيعية والنتيجة كالجاهز تماما

لكل افراد الأسرة

المشرف: Red-rose

أضف رد جديد
ملاك عراقية
عضو فعال
عضو فعال
مشاركات: 110
اشترك في: الاثنين نوفمبر 19, 2018 12:52

طريقة عمل جل ايلاينر وروج من مواد طبيعية والنتيجة كالجاهز تماما

مشاركة بواسطة ملاك عراقية » الثلاثاء يونيو 11, 2019 12:18

السلام عليكم

كيفكم يارب بخير مثلما وعدتكم اني راح اكتب هون كل شي حافظاه عندي من وصفات الخبيرة العراقية
او وصفات دكتور الاعشاب او وصفات قديمة عراقية واي وصفة جربناها ومضمونة وفعالة حفظتها راح انزلها هون
بالمنتدى مشان تستفادوا منها واليوم جبتلكم طريقة لعمل جل ايلاينر من مواد طبيعية وكمان طريقة عمل روج
او مايسمى احمر شفاه من مواد طبيعية من وصفات الخبيرة العراقية اللي هي قريبتي واللي باخذ وصفات منها
وبالنسبة لنتائج جل ايلاينر والروج هدول متل الجاهز بالضبط وراح تشوفي بنفسك من النتايج الحلوة على عيونك
وشفايفك كانك حاطة منتجات جاهزة من الجل والروج هلا يلة نبلش بالمكونات وطريقة العمل

طريقة عمل جل ايلاينر باللون الاسود لرسم العيون من مواد طبيعية

صورة

المكونات

1_ حبوب فحم من الصيدلية

2_ زيت جوز الهند اللي لونه ابيض ويتجمد في التلاجة

3_ علبة جل ايلاينر فاضية ونظيفة مشان تضعي الخليط فيها


طريقة العمل

حطي حبيتين من حبوب الفحم في صحن وقومي بطحنهم جيدا حتى يكونوا متل التراب هيك
بعدها جيبي زيت جوز الهند وحطي منه ربع ملعقة طعام فوق مسحوق حبوب الفحم وبعدها اخلطي
المكونات بشكل جيد ولو كان الخليط تقيل عندك ممكن تضفين عليه نقطة ماء ورد للخلط
وبعد هيك حطي الخليط في علبة جل الايلاينر الفاضية وبعدها حطي العلبة في التلاجة
لمدة ساعة وبعدها طلعي الجل من التلاجة واستعمليه عادي كانك تضعين جل جاهز تماما يعني ارسمي عيونك
بهاد الجل كانك تستعملي جل جاهز اوك ولما تخلصي رسمة العين رجعي الجل للتلاجة ومدة صلاحيته اربع شهور
باذن الله جربي الطريقة هذه ومراح تندمي وطبعا الجل هاد طبيعي وصحي للعيون بعكس المنتجات الجاهزة
اللي اغلب مكوناتها مواد كميائية بتضرنا فخليك من الطبيعي تكسبي


طريقة عمل جل ايلاينر باللون البني لرسم الحواجب من مواد طبيعية

صورة

المكونات

1_ زيت جوز الهند الابيض

2_ بودرة الكاكاو الغير محلاة يعني بدون سكر ولا اي اضافات تانية

3_ علبة جل ايلاينر فاضية ونظيفة

4_ ماء ورد للخلط لو كان الخليط تقيل وممكن بدل ماء الورد ماء عادي


طريقة العمل

حطي نصف ملعقة طعان من بودرة الكاكاو في صحن صغير وبعدها حطي ربع ملعقة طعام من زيت جوز الهند
وقومي بخلط المكونات جيدا ولو كان الخليط تقيل جدا ممكن وضع نقطة من ماء الورد وبعدها اخلطيه جيدا
وبالشكل هاد صار عندك جل ايلاينر بني جاهز ممكن تضعيه غي علبه الجل الفاضية وتحفظيه بالتلاجة
لوقت الاستعمال لرسم حواجبك وعلى فكرة فايدة زيت جوز الهند انه يساعد على تطويل شعر الحواجب
ويكثفها كمان بعكس المنتجات الجاهزة اللي تدمر شعر الحواجب وتخليها تتساقط ويكون الحاجب بعدها خفيف
فخليك مع كل شي طبيعي


طريقة عمل روج سائل من مواد طبيعية اي لون بدك وترغبين فيه

صورة

المكونات

1_ فازلين طبي من الصيدلية واذا مكان متوفر عندك الفازلين الطبي ممكن الفازلين العادي

2_ ملون غذائي بودرة حسب اللون اللي بدك يكون لون الروج
يعني ملون غذائي احمر راح يكون لون الروج احمر وهيك فهمتي

3_ علبة روج سائل فاضية او ممكن اي علبة عندك فاضية مشان تحفظي الخليط فيها للاستعمال


طريقة العمل

حطي ربع ملعقة طعام من الفازلين في صحن صغير وحطي كمية قليلة جدا جدا جدا من مسحوق الملون
الغذائي فوق الفازلين اللي بالصحن وبعدها اخلطيهم كويس راح يكون عندك الروج جاهز وهيك ممكن تحتفظي
فيه في علبة الروج السائل الفاضية وتستعمليه كالمنتج الجاهز تماما وممكن تحتفظي فيه على التسريحة
يعني تحتفظي فيه خارج التلاجة عادي
اما اختيارك اللون لو بدك مثلا لون برتقالي راح تضفين كمية الملون الغذائي باللون البرتقالي بدل الاحمر
مشان يطلع عندك الروج باللون البرتقالي وهيك فهمتي يعني الملون الغذائي هو اللي راح يعطيك درجة
لون الروج اما لو حابة انك تخلطي بين لونين مشان تطلعي لون جميل يعني مثلا روج برتقالي محمر هيك
وهاد راح انك تخلطي كمية قليلة جدا جدا من الملون الاحمر مع كمية قليلة جدا جدا من الملون البرتقالي
وتخلطيهم مع بعض وتضيفي الفازلين وتخلطيهم وهيك صار عندك روج برتقالي محمر جاهز للاستعمال
وانا اخترت لك كيف يكون دمج الالوان مشان تقدري تطلعي لون مختلف وجميل حسب مابدك

صورة

اما كيف تخلين اللون اخف يعني مثلا بدك لون زهري مش احمر وهيك
شوفي حطي ربع ملعقة طعام من الفازلين وحطي كمية قليلة جدا من الملون الاحمر يعني نقدر نقول نسبة كمية
الملون براس عود الكبريت تاخدي اللون من الملون البودرة وتحطيهم مع الفازلين وتخلطيهم كويس وهيك صار
عندك درجة لون الروج زهري مش احمر فهمتي هلا حبيبتي
وانتي خلي درجات اللون حسب مابدك جربي ومراح تندمي وانا اعطيتك طرق سهلة وحلوة لعمل مكياجك
من المواد الطبيعية ممكن تستعمليها للبيت بدل ماتستعملي المنتجات الجاهزة اللي تدمر بشرتك وشعرك
وخليك من نصيحة الخبيرة العراقية اللي تقولك بشرتك وشعرك مخلوق طبيعي يحتاج لكل شي طبيعي
وحاولي انك تبتعدي على قدر الامكان من المنتجات الجاهزة المصنوعة من المواد الكميائية
وهيك انا خلصت الموضوع جربي كل الطرق هذه مراح تندمي ابد وخليك مع كل شي طبيعي تكسبي


سلام

أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائران