طريقة عمل ايشادو ( ظلال العيون ) من مواد طبيعية من الخبيرة العراقية رهيب جدا

لكل افراد الأسرة

المشرف: Red-rose

أضف رد جديد
ملاك عراقية
عضو فعال
عضو فعال
مشاركات: 92
اشترك في: الاثنين نوفمبر 19, 2018 12:52

طريقة عمل ايشادو ( ظلال العيون ) من مواد طبيعية من الخبيرة العراقية رهيب جدا

مشاركة بواسطة ملاك عراقية » الثلاثاء يونيو 11, 2019 3:34

السلام عليكم

كيفكم يارب بخير ورجعتلكم مع وصفات الخبيرة العراقية وطبعا قبل قليل كنت كتبت طريقة عمل جل ايلاينر
للعيون والحواجب باللونين الاسود والبني وكمان طريقة عمل روج سائل باي لون يعجبك
والخبيرة اللي اعرفها واللي هي قريبتنا دايما تعمل مكياج من مواد طبيعية وهي بديلة للمنتجات الجاهزة
اللي اغلب مكوناتها مواد كميائية تضر بصحتنا وهي دائما تقول لنا خليكم مع كل شي طبيعي تكسبوا
بشرتكم وشعركم لان البشرة والشعر مخلوق طبيعي ويحتاج لكل شي طبيعي خلقه الله
واحنا دايما ناخذ وصفاتها الرائعة والمجربة وهي اخذت شهادة تقدير بهاد الشي المهم ماحب اطيل عليكم
لاني حابة ادخل بصلب الموضوع واللي هو طريقة عمل اي شادو او مايسمى بظلال العيون
واللي راح نعمله هلا من المواد الطبيعية وهو من وصفات الخبيرة العراقية وانا اتمنى اكتب اسمها هون
لكن انا ماشفتها من زمان لذلك لا اقدر ان اكتب اسمها الا اذا اخذ الاذن منها المهم يلة نبلش

صورة

صورة

المكونات

1_ بودرة اطفال او ممكن بدل منها بودرة تلج او ممكن نشاء الدرة اذا لاترغبين بالبودرة
لكن بالنسبة للبودرة فهي راح تعطيك نتيجة افضل من النشاء وخصوصا بودرة الاطفال لانها صحية اكتر من بودرة التلج
لان الشركات اللي تصنع منتجات مخصصة للاطفال لاتستطيع وضع مواد كميائية تضر بالطفل حتى لايغلقوا تلك الشركة
ولا تستطيع تصدير منتجاتها لذلك كل شي مخصص للطفل فهو يعتبر اكتر امنا من منتجات الكبير المهم انتي اختاري
حسب رغبتك اما بودرة اطفال او بودرة تلج او ممكن النشاء اللي هو طبيعي مية بالمية اوك

2_ ملون غذائي اي لون بدك وعلى فكرة لون الملون الغذائي هاد هو راح يحدد لون الاي شادو
وممكن استبدال الملون الغذائي بالكركم وبودرة الكاكاو او عصير الشمندر او ماء الكركدية
يعني حطي ملعقة طعام من زهور الكركدية في صحن وحطي معه ملعقة طعام من ماء الورد او ماء عادي واخلطيهم واتركيهم لمدة نصف ساعة راح يكون عندك الماء باللون الاحمر بعدها صفي الماء الاحمر من الزهور وخذي الماء الاحمر وهو راح يكون بديل للملون الاحمر

3_ ماء ورد او ممكن بدلا منه ماء عادي

4_ زيت طبيعي اي نوع عندك

5_ علبة اي شادو فاضية مشان تضعي الوان الاي شادو فيها اللي راح تعمليه او ممكن اي علب صغيرة تانية

طريقة العمل

اول شي حطي نصف ملعقة طعام من بودرة الاطفال في صحن صغير وبعدها حطي كمية قليلة جدا جدا
من الملون الغذائي ممكن الملون يكون بودرة او سائل مش مهم المهم هو ملون غذائي باللون اللي بدك اياه اوك
بعد ماحطيتي الملون مع البودرة هلا حطي عليهم قليل من ماء الورد وحطي كمان نقطة من اي زيت طبيعي عندك
وبعدها اخلطي جميع المكونات بشكل كويس وخلي الخليط يكون متل العجين التقيل هيك فهمتي
وبعد ماتخلصي خلط المكونات حطي الخليط في العلبة
واضغطي على الخليط مشان يكون مضغوط ومراح يتكسر عندك يعني متل الجاهز تماما بعد ماينشف هيك
وبعد ماخلصتي اتركي الخليط لحد ماينشف تماما وبعدها ممكن تستعمليه عادي كاي ظلال عيون جاهز
ممكن تعملي عدة الوان حسب رغبتك وهيك صار عندك اي شادو طبيعي بديل الجاهز ممكن تستعمليه
اي وقت بدك وممكن تخلطي لونين من الملون او بديل الملون مثلا الكركم او بودرة الكاكاو الغير محلاة
وتدمجيهم مع بعض راح يعطوك لون مختلف مثلا قليل من الكركم مع قليل من بودرة الكاكاو مع البودرة مع الزيت والماء
وتعجنيهم مع بعض راح يطلع عندك اي شادو باللون بني فاتح مصفر هيك وانتي اعملي حسب رغبتك
بدمج الالوان ان كان ملون غذائي او مواد طبيعية من الطعام متل الكركم او الكاكاو الكركدية وهيك
وهلا انا خلصت الموضوع وباذن الله راح اكتب طريقة عمل كريم اساس من مواد طبيعية مية بالمية للبيت
كمان من وصفات الخبيرة العراقية اللي دائما تدهشنا بوصفاتها الحلوة جربي الطريقة هذه ومراح تندمي
وخليك مع كل شي طبيعي تكسبي

سلام

أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 6 زوار