طريقة عمل زيت اللوز المر الاصلي في البيت من الخبيرة العراقية

[ملاك عراقية]

السلام عليكم

كيفكم يارب بخير ورجعتلكم بعمل الزيوت الاصلية اللي كنت احفظها من وصفات الخبيرة العراقية همسات الملائكة
وانا جبت لكم طريقة عمل زيت اللوز المر الاصلي وبما ان في ناس كتير مابيعرفوا شو هو اللوز المر وهل في
فرق مابين اللوز المر واللوز الحلو ؟ الجواب من الخبيرة وهو
نعم يوجد فرق كبير مابين الاتنين مشان اللوز المر يستخرج من نواة المشمش





اما اللوز الحلو فهادا لوز يزرع لوحده بدون استخرجه من نواة او حبة فاكهة يعني يزرع في الاشجار واسمها اشجار اللوز





اما موضوعي اليوم فعن طريقة عمل زيت اللوز المر وليس الحلو وطبعا طريقة عمل زيت اللوز الحلو تختلف تماما
عن طريقة عمل زيت اللوز المر

طريقة عمل زيت اللوز المر الاصلي في البيت من الخبيرة العراقية وبما ان في طرق كتيرة في النت
لكن اغلبها مع الاسف طرق خاطئة وغير حقيقية لانها طرق تعطيكي زيت غير اصلي
والطريقة اللي تعطيك زيت اصلي اصلي كانك شارياه من ارقى محل فهذه الطريقة الحقيقية لعمل الزيت

المكونات

1_ كوبين من نواة المشمش


2_ اربع اكواب من زيت زيتون

3_ برطمان زجاجي باللون البني او ماعندك بني وعندك لون شفاف ممكن تغلفيه بكيس اسود او اي لون غامق

طريقة العمل

قومي بكسر حبات نواة المشمش راح يطلع جواها حبات الوز المر يعني كل نواة مشمشة بعد كسرها يطلع حبة لوز
بعد ماخلصتي تكسير نواة المشمش وتستخرجي اللوز المر منها هلا قومي بوضع اللوز المر هاد بمطحنة واطحنيهم
جيدا بعد هيك حطي مطحون اللوز المر في البرطمان وحطي معه زيت زيتون وبعدها اغلقي فتحة البرطمان
لو كان لون البرطمان بني فخلي البرطمان في مكان دافيء لكن بعيدا عن اشعة الشمس يعني لاتضعي
البرطمان بمكان بارد او في غرفة فيها تبريد ممكن وضعه بمكان مغلق او اي مكان لكن بعيد عن اي تبريد
او اشعة الشمس او اي ضوا تاني
ولو كان لون البرطمان شفاف ممكن تغليفه بكيس اسود او بني غامق او اي لون تاني غامق وكمان حطيه
بمكان لايصله شمس او تبريد مشان يتفاعل الزيت مع اللوز مع الحرارة بدون ضوء مشان يتم استخراج الزيت
بعد ماحفظتي البرطمان اللي في زيت الزيتون واللوز المر بعد هيك اتركي البرطمان لمدة تلات ايام
بعد هيك قومي برج البرطمان جيدا واتركيه لمدة تلات ايام تاني وبعد مرور التلات ايام قومي برج البرطمان مرة تانية
واتركيه تاني كمان لتلات ايام وهيك لغاية مرور شهرين كاملة يعني بكل تلات ايام رجي البرطمان لغاية مرور
الشهرين وبعد مرور الشهرين افتحي البرطمان وقومي بتصفيه اللوز المطحون من الزيت بمصفي ناعم داخله قطنة
او ممكن قماشة نظيفة وبعد ماصفيتي الزيت حطي الزيت هاد بعلبة زجاجية لونها بني او ممكن تغليفها بكيس
غامق لو مش متوفر عندك الزجاجة البني اوك
وبعد ماحطيتي الزيت بالقنينة الزجاجية وهيك صار عندك زيت لوز مر اصلي اصلي مخصص للبشرة وللشعر
تقدرين استعماله باي وقت متل مابدك وكانك شارياه من ارقى محل يبيع زيوت اصلية
واما طريقة الاحتفاظ به فهو كاي زيت اصلي تشتريه من اي محل او عطار بنفس طريقة الاحتفاظ بالزيوت عادي
يعني احتفظي فيه بمكان بعيد عن اي ضوء وخلاص واستعمليه متل مابدك وهيك انا خلصت الموضوع
انتظروني بمواضيع تانية ان شاء الله وبطرق عمل زيوت تانية كلها اصلية ومراح تشتري بعدها اي زيوت
لانك عرفتي كيف عملها بالبيت

سلام

[Red-rose]

موضوع مفيد

بارك الله فيك