ماسك الزبيب كولاجين طبيعي لبشرة الوجه ماسك اكتر من رائع

[ملاك عراقية]

السلام عليكم

كيفكم ربي تكونوا باحسن حال ورجعت الكم بموضوع مجرب تاني من الخبيرة العراقية
وهو ماسك الزبيب اللي هو كولاجين طبيعي لان الزبيب غني جدا جدا بالفيتامينات اللي تساعد
الكولاجين الموجود بالبشرة انه يعيد نشاطه من جديد وكمان بيساعد على تسمين الوجه
يعني باختصار مفيد ماسك الزبيب هادا بديل لكريمات الكولاجين الغالية جدا جدا وهاد كلام الخبيرة
مش كلامي وكمان ماسك الزبيب غني جدا جدا بفيتامين e اللي يعمل على تجديد الخلايا للبشرة
ويعني انه يساعد على تخفيف ظهور التجاعيد بعد تقدر السن
وهذه نبذة عن الزبيب

الزبيب بكافة ألوانة الجميلة، الأصفر والأسود والبني، ما هو إلا عنب قد تم تجفيفه إما في الشمس
أو عن طريق مجففات خاصة، ويمتلك بداخله مخزوناً وافراً من المغذيات أكثر مما ينبىء عنه حجمه الصغير.

ماسك الزبيب الكولاجين الطبيعي لعلاج التجاعيد ونفخ الخدود
راح تساليني كيف ينفخ الخدود ؟ مش نفخ نفخ لكنه ينفخ الخدود بشكل بسيط
كانك حاطة كريم الكولاجين يعني بنفس تنفيخ الكريم للوجه هيك تماما فهمتي
اما ماسك الزبيب فراح يعطيك نفس نتايج كريم الكولاجين بالضبط بنفس نضارة البشرة وتنفيخ الخدود
يعني لو كنتي مثلا تستعملي كريم الكولاجين وبعد فترة توقفتي عن استعمال الكريم واستعملتي ماسك الزبيب
فراح تلاحضين ان ماسك الزبيب نتايجه هي هي نفس نتايج كريم الكولاجين الغالي التمن
يعني ماسك الزبيب مراح تكلفك متل كريمات الكولاجين وهو الزبيب رخيص التمن ومش غالي
وكمان مكون طبيعي غير ضار بالبشرة بعكس الكريمات اللي مابنعرف من شو معمولة المهم
يلة نبلش بعمل الماسك

المكونات
1_ زبيب اي نوع عندك
2_ ماء ورد او ممكن ماء عادي
3_ زيت اي نوع بدك ومتوفر عندك ممكن زيت دوار الشمس او زيت زيتون

طريقة العمل
حطي خمس حبات من الزبيب في صحن صغير وحطي معه ملعقة طعام من ماء الورد او ماء العادي
وحطي كمان نصف ملعقة طعام زيت وبعد هيك قومي بهرس المكونات بيدك جيدا مشان يكون مهروس جدا جدا
الزبيب وبعد هيك قومي بعصر الزبيب المهروس والمتجانس مع الزيت والماء اعصريهم جيدا بيدك
وصفي ماء الزبيب اللي طلع منه وحطي عصيره في صحن تاني
وبعد هيك ممكن تستعملي عصير الزبيب هاد المخلوط بالزيت كماسك على وجهك
حطي الماسك هاد على وجهك وطبعا لازم يكون وجهك نظيف يعني تغسلين وجهك قبل وضع الماسك
وبعد ماتخلي الماسك هاد على وجهك اعملي تدليك خفيف على وجهك مشان تحركي الدورة الدموية كويس
حركي اصابعك على وجهك بشكل دواير خفيفة لمدة خمسة دقايق وبعدها اتركي الماسك على البشرة لمدة
ساعة بعد الساعة اغسلي وجهك بالماء فقط وممكن تمسحي وجهك بالماء لغلق المسام
وممكن كمان ترطبيه بعدها متل مابدك وخلاص
خلي الماسك هاد روتينك اليومي واتمتعي بوجه مشرق وبشرة نضرة وخدود منفوخة جميلة ومتل ماقلتلك
مش نفخ نفخ يعني اوك وهيك انا خلصت الموضوع

سلام