غْرِيبْ الْحَطَّة
المشرف: أريج
• يمنع وضع اي مواد محمية بحقوق نشر دون موافقه مسبقه من صاحبها
• قوانين المنتديات العامة
غْرِيبْ الْحَطَّة
غْرِيبْ الْحَطَّة
]يَا الْمَحْگُورْ، مَدْ يِدِيكْ للسُّؤَالْ
واطْلُبْ جْوَابَكْ.. صَدَقَة عَلْ الله
سَگِّي طْعَامَكْ.. بِدْمُوعْ الْحِرْمَانْ
دُقْ بَابْ الْحَقْ
وخَلِّي بَابُو مَسْدُودْ
لْنَاسُو ومْوالِيهْ
واسْمَعْ گْدَامْ رَجْلِيكْ
تْغَنِّي الْمُوَّالْ
والْمَكْتُوبْ حَطْ لَرْحَالْ
عْلَى كْتَافْ الدَّنْيَا
... دْوَامْهَا مُحَالْ
غْرِيبْ الْحَطَّة
مَحْگُورْ..
يَرْقُصْ بِرْمُوشْ لِيَامْ
ويْدَاوِي لَهْبَالْ
بْرِيحَةْ لَفْرَاقْ
والْعِيشَة الْحَارَّة
وكْفَنْ الْفَقِيرْ.. الْمَغْلُوبْ
والصّْبَرْ للِّي طَالْ وطَالْ
يَا الْمَحْگُورْ..
سَرَّجْ لَهْبَالْ
تْبَوْرَدْ.. هَا مَحْرَكْ الْحُگْرَة
تْرَابُو حْقُوقْ مَنْفِيَّة
والزَّاوْيَة
رَابَتْ عْلَى خْدُودْ الشُوَّافَة
... مُولاتْ الْفَالْ
ذَابَتْ هْمُومَكْ
عْلَى نَارْ.. مَغْرُومَة
زِينْهَا فْلُونْهَا
حُبّْهَا يَحْرَقْ الإِحْسَاسْ
... ويشَرَّدْ الْبَالْ
شْرُبْ كَاسْكْ يَا الْمَحْگُورْ
يَشْفِي عَلّْتَكْ الْمَسْكُونَة
سَاعْتَكْ غْرِيبَة
وكَفَّكْ مَصْلُوبْ
عْلَى شَمْسْ لَعْيُونْ
الْبَاكْيَة فِدْرُوبْ الْمَحْنَة
ولا مَنْ يْسُوَّلْ ويْسَالْ
يَا الْمَحْگُورْ
مَدْ يِدِيكْ للسُّؤَالْ
- مدير المنتدى
- مدير المنتدى
- مشاركات: 3924
- اشترك في: الخميس مايو 22, 2008 1:35
- مكان: عمان, الأردن
- اتصال:
Re: غْرِيبْ الْحَطَّة
- بنت الأردن
- صديق المنتدى
- مشاركات: 2320
- اشترك في: الخميس أكتوبر 02, 2008 4:54
- مكان: عمان
Re: غْرِيبْ الْحَطَّة
- عابرة سبيل
- صديق المنتدى
- مشاركات: 2931
- اشترك في: الثلاثاء يناير 06, 2009 5:31
- مكان: عمان- اسكان ابو نصير........ بس سلطية الاصل
Re: غْرِيبْ الْحَطَّة
Re: غْرِيبْ الْحَطَّة
الموجودون الآن
المستخدمون الذين يتصفحون المنتدى الآن: لا يوجد أعضاء مسجلين متصلين و 8 زوار