☼|◄ صيته (القرويه) وتغريد (اللبنانيه) ,, سالفة وقصيدة ►|☼

[ليث الحربي]

السلام عليكم ورحمة الله وبركاته



هذي سالفة واحد يسكن أحدى القرى وتولع في حب بنت عمه صيته بنت بتال
وكانت صيته على قدر من الجمال لاباس فيه ماعاد يشوف الولد صيته مثل من اول فقال هالكلمات لشايبه:

يابوي عذّبني جفا رمـش صيتـه=صارت حياتي بين هـمٍ وغربـال
البعد يا صيتـه تـرى مـا نويتـه=لا تسمعي للهرج والقيل والقـال
أنتي دفـا القلـب المعنّـا وبيتـه=وانتي علاج الروح يابنـت بتّـال
منك ابتديت الحب وفيك انتهيتـه=يا اجمل بنات الخلق في كل الاحوال
والله لوترضـى بهالحـب صيتـه=لأجعل مهرها من عزيزات الأموال

يوم سمع الشايب قصيدة الولد أخذه وراح لبيت اخوه بتال وخطب صيته ووافقوا
استمرت مدة الخطوبه فتره طويله وسافر الولد للمدينه يدور شغل بيجمع مهر صيته لقاله شغل في المطار الدولي واثناء شغله التقى بالمضيفه تغريد اللبنانيه وتغريد ذي على قدر كبير من الجمال وقلب صاحبنا خضر انفتن بجمال ورشاقه تغريد وفي نظره مافيه وجهه مقارنه بينها وبين صيته القرويه حاول التقرب منها وابدا اعجابه فيها وهي كذلك ابدت اعجابها بوسامة صاحبنا وقالت له انها ناويه تسافر لاهلها في بيروت وتستقر عند اهلها وتنهي خدمتها ويجي ذاك اليوم اللي جات فيه المطمه ويعترف صاحبنا لتغريد بحبه لها وانه يسافر لبيروت لخطبتها من اهلها
ويرسل صاحبنا هالابيات لشايبه :
يابوي انا غيرت رايـي بصيتـه = ماعاد ابيها لو تقولـون بريـال
القلب شاف اللي على الشط بيته = فيها الجمال وصافي الحسن يختال
يابو عيون وساع قلبـي كويتـه = مابين قلبينا تقاطيـع وارسـال
وضّبت قلبي لك وغيّرت زيتـه = منشان تقبلني على عثرة الفـال
ياحبني للبنـان لـو مـا لفيتـه = لا صار خلي وسط بيروت جوال
إن ما نوانـي بالمواصيـل جيتـه = أسوق له من صافي الحب فنجال