جرحتني وجرحـك الين الحين يبكينـي

منتدى خاص بالشعر بجميع انواعه

المشرف: أريج

قوانين المنتدى
• يمنع وضع اي مواد محمية بحقوق نشر دون موافقه مسبقه من صاحبها
قوانين المنتديات العامة
أضف رد جديد
ليث الحربي
عضو مميز
عضو مميز
مشاركات: 384
اشترك في: الخميس يونيو 23, 2011 10:08

جرحتني وجرحـك الين الحين يبكينـي

مشاركة بواسطة ليث الحربي » الأحد أكتوبر 07, 2012 10:29

جرحتني ورحت عني وياحظك نسيـت جرحتني وجرحـك الين الحين يبكينـي

خلاص رحت عني يعني خلاص مليـت؟ خلاص ماتفكر فينـي خلاص ماتبينـي؟



ماتوقعت أنجرح وأستاهل اللي عطيـت ماتوقعت يهـون عليك عذابي وأنينـي

ماتوقعت اني أنجرح منك وما هجيـت ولا توقعت يجـي منك شي مايرضينـي



خساره خاب فيك ظنـي اللي ظنيـت وماتت ثقتي بكل الناس اللي حولينـي

ليه غير الكذب و الوهم منك مالقيـت ليه تظلمني وأنا أهديتك صادق حنينـي



رويتك حبي وغير جرحك ما ارتويـت صدقت معك بس ليه بكذبك تجازينـي

أنا وفيت و أنت لعبت فيني و تسليـت وماعمري توقعت انك بتخيب ظنينـي



بعت كل الناس وغيـرك ما اشتريـت وأنت بعتني وخليتهـم يتشمتوا فينـي

أنا عشقتك بجنـون وغيرك ما حبيـت وأنت ماحبيت غير نفسك يامشقينـي



أنت اللي اخترت البعد وعني صديـت وجرحتني وجرحك الين الحين يبكينـي

ومن جرحك بكيت وأنت ماحسيـت ومن كثر البكا دمـوع عيني تشكينـي



وصلت للمووت وأنت عني مادريـت ولا حتى فكرت ياظالم تسأل عني وينـي

خلاص أنا من جروحك والله انتهيـت ومن جروحك كرهت أيامي و سنينـي



اخترتك و أنا أعترف اني والله خطيـت وندمان بس وايش يفيد الندم ياعينـي

يا للأسف قتلت حلمـي اللي تمنيـت وما صرت الحبيب اللي تمنيته يخاوينـي



والله ماني مصدق كأني بحلم وصحيـت معقولـه تجرحني ومن جرحك تدمينـي

بس ربنا موجود وأنـا والله ما نسيـت انـه من مرض جرحك راح يشفينـي

أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 23 زائراً