قصيدة الشاعر الكبير رياض شباط الحنيطي رد بها على فليح الجبور

منتدى خاص بالشعر بجميع انواعه

المشرف: أريج

قوانين المنتدى
• يمنع وضع اي مواد محمية بحقوق نشر دون موافقه مسبقه من صاحبها
قوانين المنتديات العامة
أضف رد جديد
طراد الفايز الصخري
عضو جديد
عضو جديد
مشاركات: 4
اشترك في: الثلاثاء نوفمبر 29, 2016 7:43

قصيدة الشاعر الكبير رياض شباط الحنيطي رد بها على فليح الجبور

مشاركة بواسطة طراد الفايز الصخري » الثلاثاء نوفمبر 29, 2016 10:30

هذي قصيده رد مني على قصيدة فليح الجبور

الذي طلب يد بنت الرئيس الامريكي ترامب في قصيدته



.......... ( إظفر بذات الدين ) ..........



القاف له معنى ومفاتيح وابواب

والشعر من دون الأدب لك مذمه



كلن على حجمه يفصل له ثياب

وقصيدتي منزالها فوق قمه



حرفي وله ماكر على راس مرقاب

من شعري اللي كل همن يزمه



احدن بشعره ينشد اعلام واعجاب

مدري يلم الشعر او هو يلمه



يا هيه ياللي راح لترامب خطاب

ياللي جمال البنت شغله وهمه



شعرك لدغني مثل ما يلدغ الداب

نابه نفث ما بين الاضلاع سمه



الناس من جاها الخبر نوركم غاب

وقالوا الشعر منقول من يد رمه



قالوا يدور شهرته بين الالقاب

ودم العرب واعراضهم ما تهمه



قالوا بدوي ما ميز اعداء واصحاب

ساق القوافي يطلب اليوم خمه



ما هو بشاعر من هوى بنت الاجناب

سواد شعره زود القلب همه



قالوا ابوها من طواغيت الارهاب

والواجب ان اللي يعادي نذمه



منه العرب بديارهم عاشوا اغراب

ما جاب غير الكارثه والمطمه



ياما بايديهم طاحت رقاب ورقاب

وما همكم يا هيه صرخات أمه



والناس منهم بين ميت ومنصاب

ويا كثرهم من تحت الانقاذ طمه



شايب تشوفه حير اصحاب الالباب

يمسح غزير الدمع باطراف كمه



ما بيننا ثار ومطاليب وحساب

وكلن على الفزعات ما فيه همه



خذها من اللي عارضه بالزمن شاب

من جا يناسب شر إلا يعمه



هذا زمانن عاش به كل نصاب

كم من سقيطه جاب لاهله المذمه



كلاب المزابل صارت بوقتنا ذياب

وبنت الخسيس العاشقه لكل نمه



إنصى بنات الأصل لا صرت طلاب

ولا خير باللي صاير ترامب عمه



واظفر بذات الدين لا جيت خطاب

وما كل وردن له عطر لو تشمه



بنت الرئيس اللي بلا ساس وانساب

ما يدري انه لو فطس ما يهمه



خلقك بدا من طين وآخرتك تراب

واللي عطاك الشعر ما فيه ذمه



والبعض جاي يدق بابن ورى باب

وللي جرى بالناس ما فار دمه



يالله يا منزل تبارك والاحزاب

تحفظ لنا الإسلام من كل غمه



وما ضاع حق ومن ورى الحق طلاب

والدين لله والله اللي يتمه



شعر ....

رياض شباط الحنيطي

أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 18 زائراً