صفحة 1 من 2

الزجل والشعر المحكي

مرسل: الاثنين أكتوبر 20, 2008 10:12
بواسطة ابو شفيق
السلام عليكم اريد ان اطرح موضوع الزجل الشعبي والشعر المحكي فهل يعنيكم؟

Re: الزجل والشعر المحكي

مرسل: الثلاثاء أكتوبر 21, 2008 12:39
بواسطة مدير المنتدى
بالطبع اخي ابو شفيق :)

Re: الزجل والشعر المحكي

مرسل: الثلاثاء أكتوبر 21, 2008 1:17
بواسطة Red-rose
طبعا نتعرف على معلومات البعض لا يعرفها
شكرا لك

Re: الزجل والشعر المحكي

مرسل: الأحد نوفمبر 02, 2008 10:22
بواسطة ابو شفيق
مرقتي ندهتي الي بليله مطر وتلوج وكيف ما يميل الهوا شعراتك يميلو لجيت قلتي يا شاعر لا تكون لجوج بيبرد ملاك العشق لا تزيح منديلو تاملت خصرك كانو مزيبق ومدموج وانتي قشاط الجلد صرتي تشديلو مرتاح خصرك معو لاكن انا المزعوج شدي عليي انا والخصر رخيلو وجبين دوره قمر بس الحواجب عوج وعيون كحل الصبا كحلهن بميلو والتم جرح الورد والعنق شو غنوج بدو يضل الحلق يرقص مقابيلو

Re: الزجل والشعر المحكي

مرسل: الثلاثاء نوفمبر 04, 2008 9:29
بواسطة مدير المنتدى
جميل و لكن عذرا ..... ما المقصود بـ "مزيبق"

Re: الزجل والشعر المحكي

مرسل: الخميس نوفمبر 06, 2008 9:06
بواسطة ابو شفيق
تحياتي لك شكرا على السؤال مزيبق اتت من( ميزان الزيبق) تاملت خصرك كانو مزيبق اي جالس مكانو

Re: الزجل والشعر المحكي

مرسل: الأحد نوفمبر 09, 2008 8:16
بواسطة ابو شفيق
بكره عا راس السنه بدال العبايه الجوخ رح قص شقفه سهر من شرشف ولوعي وجبلك عبايه عشق لا تجرد ولا تبوخ في عا طرفها حرف مكتوب بدموعي ونمشي يصير الشجر من حولنا مدووخ ويلتف طول الدرب كوعك على كوعي ونوصل عا كوخ الغزل من خاطرو مسلوخ ويحن خبز الوعد عا جوعك وجوعي ونقعد لوج الصاح نشرب خمر تاندوخ وتغفي بكوخ القصب عا مخده ضلوعي ويوعى الضباب ويجي يسدسد طواق الكوخ ويمنع صفير الهوا منشان ما توعي.........

Re: الزجل والشعر المحكي

مرسل: الاثنين نوفمبر 10, 2008 7:40
بواسطة بنت الأردن
جمييييييييييييييل!

Re: الزجل والشعر المحكي

مرسل: الأربعاء نوفمبر 12, 2008 10:34
بواسطة ابو شفيق
#8f0000مرحبا هاي المره رح اكتب قصيده رثاء لصديق عزيز توفي في عمر 41 سنه بتقول القصيده مات الحبيب وخطبت عيني للنحيب وتحولت كل الدني بعينيي ظلام شو عاد بدي من الدني مات الحبيب....................................الرمش السحرني غمضو الاسمر ونام الثغر القتلني تحرم عليه الكلام يا شوق صليلو الابانا والسلام ومن دموعي فصل بلاطه رخام وصور عليها بدمعتي الحمره صليب وحطها عاباب مقبره الحبيب ..............ساعه ما مشيوا الناس خبيت النظر ومشيت خلف الكل لكن عا ابر يا ويل قلبي شو ماثر بلخبر بلليل رحت ركعت قدام الحجر وحكيت كل الي بقلبي للحبيب مات الحبيب.......مات الحبيب والقبر بلحسن اغتنى وشو بعد بدي بعمر محروم الهنا ............لا لا لا لا يا ربي لا تموتني انا........ مش خايف من الموت يما من الفنا بس خايف غمض عيوني وغيب ويعطش عا غيبه دمعتي قبر الحبيب.......مات الحبيب

Re: الزجل والشعر المحكي

مرسل: الخميس نوفمبر 13, 2008 12:02
بواسطة بنت الأردن
رحمة الله عليه!
في الحقيقة تستطيع ان تعبر عن مشاعرك بالشعر و هذا هو لب القصيد!