الطبيب والطفل الصغير

لكل افراد الأسرة

المشرف: Red-rose

أضف رد جديد
ندى الصباح
صديق المنتدى
صديق المنتدى
مشاركات: 3413
اشترك في: السبت يوليو 13, 2013 11:31

الطبيب والطفل الصغير

مشاركة بواسطة ندى الصباح » الثلاثاء أكتوبر 08, 2019 10:24

صورة

مبارح دخل عليّ ولد صغير عمره سنتين ، قلبلي العياده قلب ،،
ما خلى لعبه بمحلها ، نطنط يمين شمال ،
لعب بالورد ، بالكراسي ، وأكلّه ابو ١٠ حبات ملبس ،،

الأهل شعروا بخجل شديد ، بس انا كنت #مبسوووط كتير كتير كتير ،،

هم كأهل شعروا بحرج وأنه ابنهم عمللهم #فضيحة ،،
بس انا كطبيب ، اعتبرت حالي فحصت الطفل بدون ما أتحرك من مكاني قيد أُنمله ،،

كطبيب وليس كأب هاد الولد منيح ، سليم ، معافى ، وبعاني من وعكه صحية - يمكن فايروس - أدت إلى خموله لساعات في البيت بس بعدها لما طلع ودخل العياده استعاد نشاطه #وقردنته ورجع لطبيعته ،،

وبنسمع الجملة المشهوره " لو شفته بالبيت كان بحزّن أو كان طافي " وهلأ نعنش عندك ،،

في جملة شهيرة قالها الدكتور الكاتب أحمد خالد توفيق الله يرحمه عن الأطفال " الجري وراهم أحسن من الجري فيهم " ،،

لهيك حبيت أوصّل رسالة لأخواتي الأمهات ،،
لما طفلك ينطنط من كنباية لكنباية ، يقلب البيت قلب ، يعمل دوشة ،،
لمّا طفلك يزنّ وينكد عليكِ ، قولي #الحمد_لله ،،
لأنه بصحته وعافيته ،،

في كتير أمهات قضّت عمرها في المستشفيات وحامله طفلها من طبيب لطبيب ،،
بعض الأطفال عندهم مشاكل صحية وأهلهم صابرين عليهم صبر أيوب ،،
تحيه إجلال .. وتقدير .. وإحترام .. إليكِ أيتها القدوه ، يا صابره ،،

لو طفلك في حضنك ويبتسملك وبتحكي معو بس مقضيها زنّ وشقاوه وقردنه ومقضيتيها جري وراه ، احمدي الله ،،
لأنك بتركدي #وراه مش فيه ،،
احمدي الله ،، ..❤️❤️
منقول

أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 23 زائراً