مصطلحات فلسطينيه ممكن تفهمها .....بس ممكن ما تفهمها

[بنت اربد]

انخم: اخرس

طلطميس= الرجل الذي لا يرسل ولا يستقبل يعني مـــيـــــــــــــــــــــــــح

خريط= واحد قاعد بكذب

هشيت= نفس المعني بس خرطه أقل

هلقيت= الاّن الاّن

بديش= لا أريد

اقبض ياخوي= خدلك هالعاهة

اخمع= اخبط= امزع= اسلخ= يعني بالعربي اعطي بس بدفاشة

مكحمش= فاطس= فاقع= فارط= مسخسخ= يعني شخ على حاله من كثر الضحك

هدي اللعب= انطز= اختصر= اهدى ولا بدعس في بطنك

شوال= دب= ثور الله في برسيمه= مش عارف الخمسة من الطمسة= شاهد ما شفش حاجة

خطي مطي= سري مري= رايح جاي

بربيش= خرطوم ميه

من قاع الدست= يعني قوية

زينقو= اسبست= حاجة بتنحط فوق سقف لدار للي معوش يصبها بطون, مثال الأغنية الشعبية 'بس فوق الزينقو'

سداح= شخصية من وحي الخيال الفلسطيني وتشبه شخصية شمشوم الجبار

حشو= قصو= بمعن ى الغيبة والنميمة, طبعا على استعداد انه نعطي دروس بهيك أمور, احنا شعب دكاترة في هاي الشغلة

حبطرش= كثير

بنقلو تور بقول احلبوه= مش فاهم الطخة من اللخة

طرمبه= محطة بنزين

شوقع بوقع يارب يوقع= كلمات شيطانية تستخدم لجلب شوء الحظ

سكموني= شخص يحاول أن يصبح مودرن بس مش زابطة معه

حبيبي يا حاج= يعني دليل على المحبة

ولك غور= يعني انصرف= انقلع

طقع 'بتمييز القاف'= يعني انسى غرامك فات

والله لا أفسخك= كلمة تستخدم للتهديد والوعيد

يفضح حريشك= تستخدم للإشادة بالمتكلم

حركشة= حركات استفزازية للخصم في بداية كل طوشة

طشط= وعاء بلاستيكي للغسيل



اكوم ولا اظل فاشخه

في عنا فكوس وخيار وبكدونس وكرع..وبنكوم وبنكعد

وام ميصطفى كالت انها كامت وكطفت بناضورا

كشل يكشلكن شو انكن ابتفهمنش

عيدو الجملة الاخيرة 3 مرات ولكم مني اللي تطلبوه

هاهاهاهاهاهاهاهاهاههااه

ما حد راح يحكيها صح

لاني بعرف انها صعبه

[مياس k]

هههههههههههههههههههه
بس ع فكرة في منه اردني

[ميسي اون لاين]

كلمات سهله
بس كلمة ثور الله في برسيمه هاي الكلمة حرام

[نشميه اردنية]

لا في اشياء اردنية وطقع اولها

[Red-rose]

هههههههههههههههههههه
بس ع فكرة في منه اردني

اردنيه فلسطنيه ما هو ما في فرق شعب واحد

مشكوره

[BLUE ANGEL]

هههههههههههههههههههه
بس ع فكرة في منه اردني

اردنيه فلسطنيه ما هو ما في فرق شعب واحد

مشكوره

[الشاعر الساهر]

في اغنية فلسطينية انا بحبها "طكع" مش "طقع"

كال بكولوا في الكدس في فكوسه ..........
رحنا نشوف الفكوسه طلعت كوسه ..........

الترجمه :

قال بقولوا في القدس في فقوسه ...........
رحنا نشوف الفقوسه طلعت كوسه ..........

[مياس k]

هههههههههههههههههههههه
حلوه هاي يا شاعر

[sweety.girl]

هههههههههههههههه
يسلمو بنوته

[فرقاك عادي]

هي هي يهي هييييييييييي
يعني لو سمحتي وين النكتة بالموضوع لهلا مافهمت اصلا ليش محطوط بمنتدى الطرائف
مافي شي مضحك بكل الموضووووووووووووع للاسف الشديد ماضحكتينا