يا حسرتي ع رمضان

[هبه الحسيني]

يا حسرتي على رمضان


قرب رمضان
الاب بدو يستغل اخر ايام عشان يطير ع البلد عشان الاكل قبل ما يرفعو سعرو
وبروح ع الموسسه وبقعد يلم بلاكل يلي بوشه من هون ومن هون نازل تلطيش ومش حاسب حساب بدي ولا ما بحتاج هالغرض المهم بياخدو وبحط بالعربايه ونازل يحط اه هاظ حمص حط كمان عشر علب وهاد رز حط كمان اتنين تلات من نفس الغرض خود وعبي المهم ينسف قبل ما حدا تاني يجي ينسف وما بضيع عليه شي
واجا يحاسب طلعت الفاتوره سبعين دينار( هادي تعتبر فلم رعب لحارت المحاجيب ) هون بلاش احكيلكم كيف صار منزرو لابو اسامه بخوف وحاسه ئنو شعراتو وقفو ونزل يفاصل مفكر حالو بمكان اواعي وئلي ع الكاش نازله تحكيلو هيك الاسعار وبعدين روح اذا مش عاجبك الباب بفووت جمل وطبعا حاطه الابتسامه وبتحاول ما تحكي كتير عشان ما يبين سنها المسوس عشان الزبون ع حك دايما
ابو اسامه استسلم للواقع انو يدفع احسن ما يكون نقص شي من اغراض البيت وبيدفع وبيضل مروح
__________
اول يوم رمضان
الام : اسامه يلا اطفي التلفزيون وتعال اتسحر بكفي الك من المغرب ع التلفزيون
اسامه : حاضر حاضر يما بعدين يما لسا ما حضرت المسلسل هاد لساتو ما بلش ومسك الريموت ونزل تغيير بالقنوات
الابنه : يما هاد اسامه ما بدو يخلي ولا برنامج ولا مسلسل يعتب عليه
اسامه : اسكتي يا حلا وما تتفصحني هلأ بلاش إإيه
الام يلا يا ابو اسامه قوم السحور جهز
ابو اسامه : اففففففففففف لسا ما نمنا يعني لازم السحور هلأ لسا بدنا نام خلص روحي هيني جاي
يلا باسم الله
وبلشو ياكلو طبعا ما خلو كعوايدهم والاب بحكي لوالدو كلو يابا يلا هادا صيام واشربو ولا ليش شارين الاكل كلياتو هاظ.... خلصو اكل وقامواسامه : بكرة ما حد يصحيني الا ع اذان المغرب فاهمين
الام : يما ما بصير هيك ما بنقبل صيامك




اسامه ضلو رايح وما سمع كلام امه وفرش الفرشه وتغندش عليها ال مفكر حالو ع تخت مريح بفندق سوبر ابو حصيره
الساعه 12ونص الظهر
الام : اسامه قوم قوم اذن الاذان
اسامه : اذن اوك هيني قايم وطيران ع المطبخ ما خلا شي الا اكله وشربه
والكل بيطلع عليه ولا هوه بيطلع
اسامه: مالها الدنيا نهار هيك وشمس مش اذن
الام: اه يما اذن الظهر قومتك عشان تصلي
____________________________



الموقع المدرسه الحصه الاولى عم بيوزعو تمروملبس للبنات وكلو بياخد وبخبي بالجيب وبيكمشو كمش وبخبو
حلا اخدت حصتها وخبتها وحكت انا ما اخدت عشان تاخد كمان وتوزع ع عيلتها ال متكفله بالعيله كمان
في الصف المعلمه قاعده بتعيد ع البنات ووعم بتحكيلهم عن فوائد رمضان فاجا ببالها تسالهم سؤال
المعلمه للطالبات كيف اول رمضان معكم شو تسحرتو اليوم ؟؟ قامت صاحبيت حلا _مها وقالت احنا اكلنا سلطه مع جبنه صفرا لانو هيك حكولنا بالتلفزيون عشان ما نعطش
حلا اتطلعت باستغراب وحكت شو هالحكي الفاضي يا مس انا اليوم فتحت علبت مرتديلا واعدت اكل وقلت لازم اتسحر مزبوط هاد صيام يعني بدنا نخزن فاكلت العلبه كلها (حجم وسط) قامت المعلمه اطلعت فيها بنظره استغراب (مصدومه وبديش احكي وقف شعرها لانها لابسه اشار ) مش طالع معها شي تحكيه فكملت حلا وحكت واتحليت ع نص كيلو كنافه وحاسه حالي لسا جوعانه وشربت لتر كولا ولتر عصير مبارح
وبرضو عطش عطش
____________________
روحت ع البيت وعليها واجب واحد تراحما من المعلمات عشان اول يوم رمضان ... وبتحكي يابييي ع هيك معلمات ما خلو درس غير حطولنا واجب وراحت فرشت الفرشه ولا امها بتنادي عليها حلا وين يما ليش بدك تنامي والقران ايمتا بدك تقرائي ،،
حلا خلص يما تعبت من الدراسه بس انام واصحى بقراو ولا يهمك وبعدين لسا اليوم اول يوم يعني قدامنا وقت ،
وبتروح وبتحط راسها ع الفرشه وبتكملها نوم وطب ع فجاه بتنقز من النوم ع صوت متفجرات وبتصرخ يماماااا شكلها ولعت عنا حرب ،ولا بيجيها كف طاير من اخوها بقلها اصحي ضرب المدفع تاع الافطار...............
هادا البرنامج برعاية شوربت ماجي السر بالجاجه حياتكم من غيرها سلطه



قال تعالى ( والذين اذا انفقوا لم يسرفوا ولم يقتروا وكان بين ذلك قواما)
اعزائي القراء
ان الاقتصاد من القصد وهو الاستقامة ، والمراد به هنا : اعتدال الانسان واستقامته في صرف ماله وانفاقاته لنفسه وعياله ، فهو حالة متوسطة بين الافراط الذي هو الاسراف ، والتفريط الذي هو التقتير ، فيرادف القناعة في المعنى ، وهذا غير الجود المتوسط بين الاسراف والبخل ، فان ذلك ملحوظ في ما يبذله الانسان لغيره .
وقد ورد في الكتاب والسنة في فضل الاقتصاد وحسنه وآثاره .
قال تعالى : ( والذين اذا أنفقوا لم يسرفوا ولم يقتروا وكان بين ذلك قواما )(1).
وورد في النصوص : أن القصد أمر يحبه الله () .
وأن التقدير نصف العيش () .
وأنه : ما عال امرؤ اقتصد () . .
وأن حسن التقدير من المعيشة في المروة ( .
وأن القناعة مال لا ينفد () .
وأنه : كفى بالقناعة ملكاً ()
وأن من قنع بما اوتي قرت عينه () .
وأن من قنع شبع ، ومن لم يقنع لم يشبع () .
وأنه : لا مال أنفع من القنوع باليسير المجزي () .
وأن الانفاق على العيال ينبغي أن يكون بين المكروهين (لقوله تعالى : ( والذين إذا أنفقوا لم يسرفوا ولم يقتروا وكان بين ذلك قواماً ) () . .
فليس هنالك من الضروره ان تبذر المال في شراء غير احتياجاتك
وقال تعالى (وكلو واشربو ولا تسرفوا انه لا يحب المسرفين) الاعراف (31)
وقد نزلت بعض الايات التي توعد بها الله المسرفين ك قوله تعالى( ثم صدقناهم الوعد فانجيناهم ومن نشاء واهلكنا المسرفين ) الانبياء(9) ولا يقتصر الاسراف ع الاكل والشرب ولاكن ع جميع جوانب الحياه فلا يجب ان نسرف في الراحه والكسل والنوم والعباده لان ديننا دين التوسط والاعتدال وفي تنبيه اخر وهو قول الرسول ( تسحرو فان في السحور بركه ) احرص على ان يحوي سحورك ع النشويات متل الخبز والرز لتمدك وعائلتك بالطاقه او ع الحليب والتمر والخضروات ومشروبات ساخنه ويفضل ان لا يحوي الكتير من السكر والملح لانها تجعلنا نعطش ونجوع

[N3SAN]

موضوع جميل كلك زوء