عروسة متلازمة الحب؟!!

[Red-rose]

مين بتزكر "روان الدويك" - عروسة متلازمة الحب؟!!
روان...متل معظم الصبايا...كان حلمها اتكون عروسة...بس والله خسارة فيها أي رجال...لأنها نقية و قلبها أبيض متل الفستان الي لابستو.
لما قالو الإم مدرسة- أنا متأكدة إنو أم روان الجبارة حتاخد اللقب هاذا و بجدارة!
إسمعو معي قصتهم:
لما أم روان عرفت إنو بنتها من أطفال متلازمة الحب - قعدت تقرألها سورة الإخلاص تقريبا ١٠٠٠ مرة.
روان ما كانت تنقبل بالمدارس بسهولة بس إمها ما إستسلمت و ضلت إتحاول و سجلتها و كانت روان دايما تطلع من الأوائل بصفوفها
أم روان كانت تحفظ القرأن و ترتلو...و روان كانت دايما تعد جمبها و تسمعها...مع الوقت إمها سجلتها بمركز لتحفيظ القرأن و بأول يوم سألت المدرسة إمها: كم أية حافظة روان؟ فجاوبت مش كتير...و بس إجت تاخدها...المدرسة قالتلها إنو روان سمعتلها كل سورة البقرة لحالها و عن حفظ!!! يا سبحان الله...
هون قررت أم روان انو اتسجلها معها بدروس حفظ القرأن و صارو يحفظوه مع بعض...جمب بجمب...أم روان حفظت القرأن و ختمتو ب ٢٠١٩ و ضلت اتعلم و اتحفظ روان لكملتو ب ٢٠٢١!
و عشان إتكافئها...إمها فاجئتها بفستان عرس...و لبستها لروان بالحفلة الي انعملتلها بمناسبة حفظ و ختم القرأن...
و والله خجلتيني من نفسي- و علمتينا و ذكرتينا إنو ما في شي مستحيل...فقط كن مع الله- يكن الله معك.
هنيئا لكي يا روان و أم روان...إنتي عروسة الجنة...


منقول