مواطن يدهس الباص السريع..؟

آراء ومقالات لكتّاب أردنيين

المشرف: Princess

قوانين المنتدى
• يمنع وضع اي مواد محمية بحقوق نشر دون موافقه مسبقه من صاحبها
قوانين المنتديات العامة
أضف رد جديد
Red-rose
صديق المنتدى
صديق المنتدى
مشاركات: 58179
اشترك في: الأحد سبتمبر 28, 2008 1:33

مواطن يدهس الباص السريع..؟

مشاركة بواسطة Red-rose » الاثنين أغسطس 02, 2021 9:04

صورة




اكيد مستغربين العنوان..وبتفكروني بتمسخر..
بغض النظر عن رأيي بمشروع الباص وكل الاخطاء والقصص والفساد اللي صار على مر السنوات خلال تنفيذه واللي هرمنا واحنا بننتظر تشغيله..
كل هالأشياء خلوها على جنب..
اليوم كان لازم اكتب عن تخلف من نوع ثاني..
عن كل مواطن ما بلبقله لا شارع ولا حتى رصيف..
عن كل مواطن مستخف بحياته وحياة غيره..
عن كل مواطن ما برتدع الا اذا كان في عقوبة ومحرزة كمان..
عن كل مواطن( مسقع وجه) مصر انه يتمختر في مسار باص على اساس انه فهلوي زمانه..
عن كل مواطن بركب سيارته وبصير يزاحم الباص بمساره..
عن كل مواطن مش راضي يستوعب انه هالطريق مش لسيارته انعملت سواء راضي عن الباص والا زعلان..
عن كل مواطن مصّر يضل يتبع غباءه ويشرب ارجيلته ويمشي كلبه ويلعب ابنه بالبسكليت في مسار الباص لانه مش مقتنع فيه..
عن كل مواطن..صار بده مش مخالفة بل حجز شامل بلكي اتعلم احترام القانون حتى لو مش على هواه..
عن كل مواطن ما ضل عنده اي منظومة اخلاقية تردعه عن الغلط..وبطالب كمان بحقوقه..
عن كل مواطن..ضاعت اصلا كل حقوقه بسبب غباءه في اسلوب تحصيلها..
اعتقد صار الوقت انه نحترم حالنا اكثر..ونحترم شوارعنا اللي مليناها زبالة وقرف وكلام بذيء ومسبات من شبابيك السيارات..
لأول مرة بحكيها..احنا ما بلبقنا لا باص سريع ولا حتى حنطور..لانه الغلط طلع فينا..لانه كثير منا ما عنده اي احترام لحدا او لشي..
يا ريت لو إدارة السير تحجز على اي سيارة تدخل مسار الباص مع غرامة عالية..
واي مواطن بتمختر داخل المسار غرامة فورية مع حجز كمان..لانه مش بس بعرض حياته للخطر..لكن كمان حياة غيره..
انا من المنتقدين لبعض قوانين السير عنا ومن اهمها انه اي شخص يتعرض للدهس فالمذنب هو السائق بغض النظر عن حيثيات الحادث..هالقانون خلا الزعران دايرين بالشوارع يرموا حالهم قدام السيارات ويبتزوا الناس والأمن للأسف على علم بهالموضوع ولكن لا يزال القانون مطبق لصالح الازعر..
ياريت نرتقي شوي بتصرفاتنا
ونخلي هالباص يمشي براحته..ونشوف شو الفرق اللي راح يعمله للمواطن..
#ايمان_عكور

المهندس اللطيف
عضو فعال
عضو فعال
مشاركات: 186
اشترك في: الخميس نوفمبر 26, 2015 2:41

مواطن يدهس الباص السريع..؟

مشاركة بواسطة المهندس اللطيف » الثلاثاء أغسطس 03, 2021 5:58

خليني ساكت

أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 13 زائراً