مواجهة ساخنة بين الشباب والبنات

[أريج]

طيب انا بدي اسأل سؤال موجه للشباب والبنات على حد سواء , وبتمنى الكل بجاوب ( وما حدا يطنشني )
سؤالي هو :

شو رأيك بالتعارف عن طريق النت , وهل انت مع او ضد الحب والارتباط بهذه الطريقه ؟؟

انا حاليا ما راح اجاوب , بس اشوف آراءكم و ردودكم .

[التقوى 24]

شوفي ليل أنا مريت بتجارب كتير بحياتي وخاصة مواضيع النت وتحديدا موضوع التعارف
وللأسف بسدي نصيحة لكل اخوتي واخواتي انه هاد أبدا مش الأسلوب الصح إلي تلاقي فيه الانسان إلي يفهمك (أنا بحكي تعارف بين شب والبنت عن طريق النت) فغالبا ما بكون واحد من الطرفين عم يتسلى أو مجرد بدو يعرف ناس والسلام .... بالإضافة لأنه الانسان المتخفي أو إلي بحاول يعرف ناس عن طريق التخفي أو من وراء جهاز هو انسان ضعيف أو عندو شي مخفي وما بدو الناس تشوفه .... فلذلك غالبا ما كل شخص بيعطي الطرف التاني الجانب المضئ في شخصيته وبيخفي الجوانب السلبية إلي أحيانا بتكون أكتر
وكمان في بنات بكونو بمرو بحالة من يأس لعدم وجود شريك في حياتها لكن للأسف ممكن توقع في أيدين الشريك الغلط وغالبا ما بكون شريك بالعكس بكون نقطة سودة بالحياة .... أو ممكن تلاقي كل واحد عندو كومة أسماء بنات أو العكس عندها عالنت وبتحكي مع الكل بدون ضوابط فهذا لايمكن يكون تعارف صادق أو مثمر
فأرجو من كل بنت إنها تنتظر شريك حياتها إلي بيجي على بابها بأسلوب صح مظهر كل جوانب حياته بدون تخفي وهو الانسان إلي حتلاقي معه سعادتها
أما الشباب فبتمنى انكم تفكرو كتير بهالموضوع هل انت ممكن تلاقي شريكة لحياتك أو حتى صديقة صدوقة بهاد الأسلوب ؟؟؟؟؟
انا ما اعتقد
وآسفة كتير عالإطالة لكن السؤال يستحق اجابة طويلة

[عاشق بلادي]

كفيتي ووفيتي .. شكرا ..

[فرقاك عادي]

سؤال حلو رأي من رأي تقوى
بس كمان احيانا ونادرا يعني بنلاقي صداقات حلوة انا مابدي احكي حب صداقة لانو بصراحة انا تعرفت على ناس وعملت صداقات حلوة عن طريق النت انا مبسوطة فيها كتير

[أريج]

شكر كبير لتقوى اللي فعلا كفت ووفت , وانا رأيي من رأيك عزيزتي .
يعني ازا الشب حكى انو بحب وحده عالنت بكون بيضحك عليها , وازا حكالها انو بدو يرتبط فيها بكون ( كذاااب ) واعذروني بس ما لقيت لفظ اكثر لباقه , والبنت اللي بتحب عالنت بتكون فاضية اشغال , وعندها فراغ عاطفي , ازا بتشغل حالها بأي شي تاني بتنسى موضوع الحب من اساسه .
اما بالنسبه للصداقات وانا بحكي هون عن صداقات من نفس الجنس , شباب يصاحبوا شباب , والبنات نفس الشي , ممكن , بس ازا وثقوا صداقتهم اكثر وتأكدوا اكثر من مصداقية الطرف الاخر .

هذا رأيي الخاص وشكرا لكم جميعا عالرد .

[فرقاك عادي]

العفو حبيبتي
ياريت ازا ممكن حد من الشباب سال سؤال بمأنو ليلو هي الي سالت

[عاشق بلادي]

والله ما في في بالي اسئلة .. اذا اجا على بالي سؤال بسأل ..

[فرقاك عادي]

انا راح اسال سؤال اوك ياشباب
سؤال للرجل ما هدفك من الزواج
هل من اجل تكوين عائلة يسودها الحب و السعادة
ام من أجل الحصول على زوجة تطبخ تنجب ,,؟؟
فاذا قلت الخيار الاول لماذا غالبية النساء تخفن أن ينقلب الرجل ضدهن و يجب أن تتكلف عليه طوال الوقت بينما هو لا يهتم ؟؟؟

بعترف السؤال مسرق والله بس حبيت اعرف وجهات نظركم ازا ممكن