فوت واحكيلنا عن تجربتك بالتوجيهي

[هوا ده حظك يا ألبي]

لطلاب السنوات السابقة الناجحين ومش الناجحين( الراسبين) وطلاب السنة هاي والسنوات الجاية كمان احكيلنا اي شي نفسك فيه عن التوجيهي احكولنا عن تجاربكم الشخصية وعن اي شخص بدكم اياه وللي ما قدم توجيهي اجكيلنا شو شعورك وشو رح تعمل خلال هالسنة


وممكن نعطي النصائح لطلاب التوجيهي لهالسنة للي عنده تجارب سابقة ؛ بس بدنا نصائح مفيدة وجديدة


تجربتي الشخصية انا فرع تعليم صحي للسنه الماضية رسبت بس مش بكل معنى الكلمة لانها مادة وحدة من 18 مادة
بحكي لطلاب السنة هاي ما تخافو وخليكم متفائلين وادرسو صح وبضميير وما رح تشوفو حالكم الا وانتو مخلصين وناجحين انشالله اما طلاب السنوات الماضية بقول مبروك للناجحين وعقبال الشهادات الاكبر انشالله وللي ما نجحو ما تيأسو الدنيا ما بتنتهي عند هالسنة وكل شي بيتصلح بس هي مسألة وقت وخلي اتكالكم على الله مش على اي مخلوق بالدنيا .....وشكرا

[مها الزعبي]

السلام عليكم ورحمة الله تعالى وبركاته

اه يا انس فكرتني بالتوجيهي صح انا زمان قدمت التوجيهي بس كان من اصعب مراحل حياتي والسبب كان مادة اللغه الانجليزية

بس بفضل قربي من الله وداعائي وطلبي من الله انه ينجحني من اجل ابي وامي يفرح قلبهم وربي كان عند حسن ظني به سهل لي ويسر امر نجاحي وقتها صعب اوصف لكم فرحتي او فرح اهلي واقاربي

لا يمكن انسى ايام التوجهي ابـــــــــــــــــــــــــــدا بس تكبر جنى رح اقول لها شو صار معي ان شاء الله

لذا بدي اقول لكم انه الله كريم اذا تقربنا اليه وجدناه معنا

يارب يارب يارب كن معنا فأنت اعلم منا بأنفسنا يارب

[manoosh]

التوجيهي مرحلة مهمة لكل طالب ... زي مابنقول تقرير مصير .. انا حاولت يكون متل اي سنة .. مااضغط على حالي مشان ما يصير عندي توتر .. كنت اصحى ع 7 او 8 ونام ع 11 او 12 .. ما كنت احب اسهر اصلا لانه ما كنت بستوعب بالليل

انا المشكلة عندي كانت وقت اللي تسربت الاسئلة وانعادت 3 امتحانات ( العربي والانجليزي والكيمياء )

بس الحمدلله نجحت وجبت نتيجة كويسة .. المهم نصيحة للكل .. ما تصعبوها على حالكم .. وتشدوا بالاول على حالكم كتير بعدين ترتخوا .. خليكم وسط .. نظموا وقتكم .. خلي عندك وقت بريك تاخد في نفس وتغير جو ..
تعلم من هفوات من هم قبلك .. لا تؤجل الدراسة لاي سبب .. رتب أوراقك كما ينبغي لها ان تكون
لا يوجد لحظة اروع من لحظة النجاح .. وبتمنى النجاح للجميع

مشكوووووووور انس عالموضوع

[هوا ده حظك يا ألبي]

مشكورين على المرور الجميل
وعفكرة معاكو حق انو الواحد مش لازم يضغط حالو لانه كثر الضغط يولد الانفجار

[هوا ده حظك يا ألبي]

بسم الله الرحمن الرحيم

انا كنت بدي احكي عن الامتحانات بس قلت في سؤال اجا على بالي اسألو لكل طالب توجيهي بيدخل عالموضوع

السؤال مش صعب

ما هي اكثر مادة تخيفك؟؟؟؟؟؟؟؟؟

على فكرة لازم كل واحد يختار مادة وحدة بس

بالنسبة الي بخاف من مادة التغذية لاني معيد وما علي غيرها

بدي لو سمحتو اقتراحات كيف نخفف من هاد الخوف