بدي مساعدة

[DarkWingedAngel]

هاي انا عضو جديدة ومحتاجة مساعدة بلييييييييييز
انا اردنية بس بدرس في الكويت والسنة خلصت توجيهي وجبت معدل 97.92% وحابة ادرس طب... بس اهلي ما معهم فلوس يدرسوني في جامعة خاصة او شي فاملي الوحيد هو انو يطلعلي في جامعة حكومة او يطلعلي منحة او بعثة
بدي اعرف، هو ممكن يطلعلي طب في الجامعات الاردنية عادي مش موازي ولا؟ وهل في بعثات من الاردن لبريطانيا وكندا وامريكا وهالدول القوية؟ ولو في وين اروح عشان اقدم؟ وشو الاوراق اللي محتاجتها عشان اقدم؟ بليييييييييز ساعدونا ما بعرف شو اعمل واصابعي تكسرت من كثر ما دورت في النت على بعثات ومنح
ثانك يو

[مدير المنتدى]

مشكلة المغتربين انو هناك نسبه غير معقوله معدلاتهم 100% فيستحيل قبولهم بالطب جميعا لاستحالة المفاضله بينهم ويتم رفضهم جميعا

لما تيجي على الاردن قدمي طلب للديوان الملكي وعلى فكره بطلعلك بسوريا بسهوله اذا سعيتي وراها

اغلب الجامعات الاجنبيه العريقه لديها منح للمتفوقين بغض النظر عن الجنسيه
واذا بدك مساعده بالبحث عن المنح في الجامعات الاجنبيه انا بساعدك

بالتوفيق

[DarkWingedAngel]

في الكويت كلها ما حد بيجيب 100% ابدا
انا ال100% بس شفتها بالسعودية عشان المناهج هناك سهلة والدرجات بالهبل

وهو ايمتا بيبدا التقديم بالاردن؟
انا بفتح عالنت حاطين انو لسة ما بدا

والجامعات الاجنبية من وين اقدملها؟ من الوزارة بالاردن ولا وين؟

[مدير المنتدى]

التقديم للقبول التنافسي يبدأ بعد صدور نتائج التوجيهي

اقصد التقدم للجامعات الاجنبيه مباشره او عن طريق السفارات, السفاره اليابانيه على سبيل المثال تبين الشروط على موقعها هنا

[DarkWingedAngel]

اها يعني لازم اروح من بكرا الصبح اقدم للسفارات
طيب وهي الدول الاجنبية في عندها منح وبتكون ببلاش عادي؟
انا بعرف بتكون الدولة هي اللي بتدفع يعني مثلا احنا الاردن بتدفعلنا المنح فكنت افكر لازم اروح على السفارة الاردنية اقدم ورحت وما شفت فايدة

على العموم شكرا على المساعدة وحاشوف بكرا الصبح يمكن اروح او استنى لبعدين المهم ان شاء الله خير
ثانكس

[مدير المنتدى]

نعم زي السفاره اليابانيه بلشت تعطي منح من 2006 على ما اعتقد
والسفاره البريطانيه عندها عدة برامج احدها مربوط بالمركز البريطاني British council ممكن تسأليهم عن التفاصيل

احنا بسعدنا نساعد اي عضو في منتديات انا الاردن
خبرينا شو بصير معك
سلام

[Red-rose]

بالتوفيق ان شاء الله

[Miss Jordan]

الله يوفقك وتدرسي اللي بتحبيه

[فرقاك عادي]

المهندس عمرو كفى ووفا
ازا بتحتاجي لاي شي تاني نحنا بالخدمة
والله يوفئك وتدرسي الطب

[DarkWingedAngel]

مشكورة لالكم كلكم وان شاء الله بيطلعلنا كلنا اللي بدنا اياه