اسئله عن الحب الشريف

[عاشق الصدفه]

بسم الله الرحمن الرحيم

اخوانى وأخواتى الافاضل

عندما يحب شاب فتاه ما وصرح بهذا الحب لاهله او لاصدقائه فلا احد يستطيع ان يعيبه او يقول له هذا خطأ ؟؟

وعندما تحب فتاه شاب ما لاتستطيع الافصاح عن حبها الا لفتاة مثلها ان أمكن ذلك ؟؟؟

سؤالى ينقسم لعده اقسام

الاول ؟؟

هل الحب الشريف فى مجتمعنا الشرقى عيب كبير ؟

الثانى ؟؟

هل من حق الشاب ان يحب ويفصح عن حبه وليس من حق الفتاه ان تحب وتفصح عن حبها ؟؟

الثالث والاخير ؟؟

هل عاداتنا تسمح للرجل ان يحب
ولا تسمح للمراة ان تحب


اطلب التفسير لهذا التناقض ؟؟؟؟

شكرا لكم وفى انتظار ارائكم

[جودي ابوت]

اسمحيلي اسالك شو مفهوم الحب الشريف برايك
واسمحيلي كمان احكيلك ان لا تحسسيني ان البنات مساكين ياحرام
خاصه بمتل هدا الوقت الي في البنات قادرات
وشكرا

[عاشق الصدفه]

اول اشي انا شب مو بنت ثاني اشي انا اكاد ان اجزم ان 98% من الشباب والبنات عندهم علاقات وحب
بس انا سئلت عن الحب الشريف وهو الحب المرتبط بهدف معين مثل الزواج وهو اكبر هدف للشباب
ونا ما شوهت صورة البنات بالعكس انا احترم رأيك فيهن ونتي حكيتي بان البنات مش مساكين ونا اقدر هذا الاشي بس البنت لما تحب شب هذا الاشي لا يقلل من كبريائها الا اذا كان هناك حالات خاصه
وانا شاكر على مرورك واكرر باني احترم وجهة نضرك واي واحد عنده وجهة نضر عن هالموضوع يكتبه وكلنا اذان صاغيه او عيون قارأه مشكووووووووووووووور

[جودي ابوت]

مشكور على الرد
واعتذر على الخطىء اخي
وتوضيح انت ما شوهت صوره البنات بس حسنتها ههههههههه

وشكرا

[meral]

الموضوع كتير حلو واذا بدنا نحكي فيه ما بكفينا سطور بس انا رح اعطيك الخلاصه بان الحب هو مو كلام بينقال بل هو شعور يهد الجبال واذا بدنا نجرب الحب او اذا وقعنا بالحب لازم نفكر شوي بالي بصير معنا ونستشير حدا يمكن يكون هالحدا صديقة عمري وبنك اسراري او حتى تكون انت نفسك تستشير نفسك

الحب الشريف مش عيب بمجتمعنا الشرقي لاكن كان ولا يزال شيء يرفضه الاهل والرفض هاد طبعا من مصلحتنا وخوف علينا لهيك ما حدا بيحكي عن الحب الي بعيشه يمكن الشب بحكي وبعترف اما البنت نادر جدا لان العادات والتقاليد موجوده

[غروب الشمس]

والله يا ميرال البنت صارت اجرء من الشب
هههههههههههه
الحب مو زي حب زمان شريف وصادق هلا الحب بخوف الشب ما بحب البنت اله لمصلحه
لهيك اهلين بخافه علينه كتير
انه انحب لحتى حبنه ما يغلطنه
لانه اكيد البحب كتير بيعمل اي اشي لانسان البحبه
لحتى يكون راضي عليه حبيبوه

[meral]

انا معك ندووش بس مو اي واحد بحب بكون اله مصلحه مع البنت
فعلا هلأ فيه كتير شباب بضحكو ع بنات وبلعبو بمشاعرهم وبعدين بتركوهو
بس اغلب الحالات بكون الترك اله سبب
وبهالزمن هاد نادر جدا ما تلاقي شب بحب عنجد وبخلص لحبيبته
بس فيه دليل لتعرفي اذا هالشخص بحبك عنجد او لا

[عاشق الصدفه]

والله كلام ميرال عين الصواب وانا احترم وجهة نظر اختي غروب الشمس
بس مثل ما قالت ميرال اغلب الحالات يكون في سبب معين حتى يتركو بعض
وهذا الاشي اللي شوه صورة الحب وبعدين الشباب ماهم سوا والبنات نفس الشي
نلقا الزين ونلقا الشين.
ونا على فكره لما فتحت الموضوع ماكتبته هيك من راسي حتى اخلق سالفه بس لاني جد احزن على احوال
هالمشتمع اللي رافض هالاشي هذا ومو متفهمين الموضوع .
بعدين انا من الناس اللي مش مقتنع بالزواج من بنت ما احبها شايفين عاد هي انا رجعت لموضوع الزواج
انا ما ابي اطول عليكو بالكلام بس حاب اوصل فكرتي تحملوني شوي
انا لو اسئل جودي ولا غروب الشمس ولا ميرال لا تزعلو مني بهالكلمه سؤالي صريح وابي اجابه صريحه
يا هل ترا تحبو تتزوجو بدون علاقه مسبقه ولا تحبو تتزوجو على سمعة الشب وبدون ما يكون هناك مشاعر تجمعكو مع بعض .............. ؟
والله هالموضوع لو ما نحكي فيه احنى كجيل واعي ومتقدم ومتفتح ما رح نوصل لنتيجه وراح نبقى مثل محنا نواكب التطور بالعكس اعذروني هذي وجهة نظر احييكم على المشاركه...
تحياتي

[دموعى]

اعظم الحب ما كان شمعة تضئ دون ان تحرق وأجمل الحب ما كان لهفة بلا اندفاع أو تهور وأجمل الحب ما كان عطاء دون انتظار او مقابل .نعم هناك حب شريف ولكن نحن من غيرنا معنى الحب .

[دنيا]

لا خلينا نحكي شوي وبصراحة انا بالنسبة لالي انو الحب الشريف موجود وانا عم بحكي هذا الاشي عن تجربة بس انو يتقبلوه الاهل لأ لانه عيب ومو من التقاليد ومن هذا الحكي والسبب الاكبر خوف علينا لانه مو كل علاقات الحب نهايتها الزواج للأسف